Latest News

                                 የSTEM ከል 2 ዙር ያሰለጥናቸውን ተማሪዎች አስመረቀ

የባህር ዳር ዩኒቨርሲቲ ሳይንስና ቴክኖሎጂ ማበልፀጊያ ማዕከል / Stem Incubation Center / ከባህር ዳር ከተማ ለመጡ 50 አመልካቾች በፈጠራ ስራ ላይ ያተኮረ የ6 ወር ስልጠና ሰጠ፡፡

ሰልጣኞች በማዕከሉ በነበራቸው ቆይታም  በፈጠራ ስራ ላይ ያተኮረ ውድድር አድርገው ሦስት አሸናፊዎች ወደ ቀጣዩ ውድድር ተሸጋግረዋል፡፡ አሸናፊዎች የዕውቅና የምስክር ወረቀት የተበረከተላቸው ሲሆን ፤ US Embassy, ICog Labs, JICA እና Humanity ከተባሉ ተቋማት ጋር በመሆን በኢትዮጵያ 15 ከተሞች ለሚሳተፉበት ውድድር ባህር ዳር ከተማን የሚወክሉ እንደሚሆኑም ታውቋል፡፡

በመርሃ ግብሩ የአማራ ክልል ሳይንስና ቴክኖሎጂ ዳይሬክቶሬት ዳይሬክተር ዶ/ር ሰብስበው አጥቃው የተገኙ ሲሆን አገሪቱ ለሳይንስና ቴክኖሎጂ ዘርፍ የተለየ ትኩረት በምትሰጥበት ወቅት የማህበረሰብ ችግር ፈች የስራ ፈጠራ ስራዎች ለውድድር መቅረባቸው የተለየ እንደሚያደርገው ተናግረው ጅምሩ ይበል የሚያሰኝ ነው ብለዋል ፡፡

የባሕር ዳር ዩኒቨርሲቲ ትምህርት እና ስነ ባህሪ ኮሌጅ አመታዊ አለም አቀፍ ጉባኤ አካሄደ

የባሕር ዳር ዩኒቨርሲቲ ትምህርት እና ስነ ባህሪ ኮሌጅ 37ኛውን አለም አቀፍ ትምህርታዊ ጉባኤውን በዋናው ግቢ መሰብሰቢያ አዳራሽ እያካሄደ ነው።

በመርሃ ግብሩ ተገኝተው ለተሳታፊዎች የእንኳን ደህና መጣችሁ መልእክት ያስተላለፉት የባህር ዳር ዩኒቨርሲቲ ትምህርት እና ስነ ባህሪ ኮሌጅ ዲን ዶ/ር ታደሰ መለሰ የጉባኤው ዋና ጭብጥ secondary and technical vocational education and training: practices, challenges and prospectsመሆኑን ጠቁመው  ባሁኑ ስዓት ኮሌጁ 6 የመጀመሪያ ዲግሪ፣ 12 የሁለተኛ ዲግሪ  3 የPhD ፕሮግራሞች እየሰጠ እንደሆነና 4 አዳዲስ የሁለተኛ ዲግሪ  እና 3 የ PhD ፕሮግራሞችን ለመጀመር በሂደት ላይ መሆኑን ጠቁመዋል ፡፡ በጉባኤውም በኢትዮጵያ ውስጥ የሁለተኛና የቴክኒክ ሙያ ትምህርትና ሥልጠና  ምርመር ላይ በአንድም ሆነ በሌላ መልኩ ተሳትፎ ያላቸው ምሁራን እና ባለሙያዎች የተገኙ መሆኑን ገልፀዋል፡፡

የባሕር ዳር ዩኒቨርሲቲ ፕሬዝዳንት ዶ/ር ፍሬው ተገኘ በመርሃ ግብሩ መክፈቻ ተገኝተው  እንደተናገሩት በተባበሩት መንግስታት የተሻሻለ የልማት ግብ 4 የተመዘገበው፤  የሁሉንም ማህበረሰብ ህይወት ለመለወጥ እና ዘላቂ ልማት ለማምጣት  ሁሉን አቀፍና ፍትሃዊ ጥራት ያለው ትምህርት መሰረት እንደሆነ ጠቁመዋል፡፡ ማስረጃዎች ስለ ጥራት አስፈላጊነት ያለልዩነት ቢያትቱም  በኢትዮጵያ  ስርዓተ ትምህርት የመጀመሪያ ደረጃና ሁለተኛ ደረጃ ትምህርት ጥራት እና ብቃት  ላይ ቅሬታዎች እንዳሉ የተለያዩ ጠቋሚዎች መኖራቸውን ፕሬዝዳንቱ ተናግረዋል ፡፡  በመሆኑም የዚህ አመቱ ትምህርታዊ ጉባኤ ጭብጥ አሳማኝ እንደሆነ ፕሬዝዳንቱ ገልፀዋል፡፡

መርሀ ግብሩ ግንቦት 9 እና 10 የቀጠለ ሲሆን 11 የሚሆኑት ጥናታዊ ጽሁፎች ከተለያዩ የሀገሪቱ ዩኒቨርሲቲዎች በመጡ ምሁራን የሚቀርቡ ሲሆን ቀሪዎቹ 11 ጥናታዊ ፅሁፎች በዩኒቨርሲቲው ምሁራን የሚቀርቡ ናቸው፡፡

 

 

የባህር ዳር ዩኒቨርሲቲ ከሜሪላድ ዩኒቨርሲቲና ሂብሪው ዩኒቨርሲቲዎች ጋር ውይይት አካሄደ።

 በትዕግስት ዳዊት

በሶስትዮሽ የውይይት መርሀ ግብሩ የባህር ዳር ዩኒቨርሲቲ ፕሬዚዳንት ዶ/ር ፍሬው ተገኘ የዩኒቨርሲቲያቸውን ታሪክ፣ራዕይ፣እንዲሁም ዩኒቨርሲቲው ያለበትን ወቅታዊ ሁኔታ ለተሳታፊዎች ገለፃ አድርገዋል፡፡ በውይይቱም  ከሁለቱ የታወቁ  ዩኒቨርሲቲዎች ምሁራን የሚቀሰመውን ጠቃሚ ልምድና፣ እውቀት የዩኒቨርሲቲውን ራዕይ ለማሳካት እንደሚጠቅም ፕሬዚዳንቱ እምነታቸውን ገልፀዋል።

ከሜሪላንድ እና ሂብሪው ዩኒቨርሲቲዎች የመጡ ፕሮፌሰሮች የየዩኒቨርሲቲያቸውን ተሞክሮ፣  እና የቴክኖሎጂ ውጤቶች ለመርሀ ግብሩ ተሳታፊዎች ያቀረቡ ሲሆን ምሁራኑ አክለውም ባህር ዳር ዩኒቨርሲቲም የተቋማቶቻቸውን የምርምር፣ የህትመት፣ የቴክኖሎጂና መሰል ልምዶችን በመውሰድ እንዲጠቀምበት ጠቁመዋል፡፡ ወደፊትም ከባህር ዳር ዩኒቨርሲቲ ጋር በተለያዩ መስኮች አብረው እንደሚሰሩ ገልጸዋል፡፡

የባህር ዳር ዩኒቨርሲቲ ሲቪልና ውሃ ትምህርት ክፍል መምህር፣ረዳት ተመራማሪ እና የብሉ ናይል ውሃ ተቋም ዳይሬክተር ዶ/ር ማማሩ አያሌው በምግብ፣ የአየር ንብረት ለውጥ እንዲሁም ጤናና መሰል ጉዳዮች ላይ የዩኒቨርሲቲው ምሁራን ከመጡት ምሁራን ጋር ሰፊ ውይይት በማድረጋችው አለም አቀፋዊ እውቅና ያላቸው ተቋማት ያላቸውን ተሞክሮ፣ እና ትልቅ ልምድ መጋራት ተችሏል ብለዋል፡፡ ወደፊትም በጋራ ትልመ ጥናት በማዘጋጀት እና በአጭር ጊዜ ወደ ትግበራ በመምጣት በስነ-ምግብ፣ ጤናና ተመሳሳይ ጉዳዮች ላይ የተሻለ ስራ እንደሚሰሩ ዳይሬክተሩ እምነታቸውን ተናግረዋል።

በውይይቱ ላይ የዩኒቨርሲቲው የውሀ፣ ምግብና ህብረተሰብ ጤና  ምሁራን እንዲሁም ከሁለቱ የውጭ ተቋማት የመጡ ምሁራን ልምዳቸውን፣ተሞክሯቸውንና ይጠቅማሉ ያሏቸውን የምርምር ጥናቶች (ወረቀቶች ) ያቀረቡ ሲሆን ከተሳታፊዎች ጋርም ሰፊና ውጤታማ ውይይት ተደርጓል፡፡ ተሳታፊ ምሁራኑ በዩኒቨርሲቲዎች የተለያዩ ግቢዎች የሚገኙ ፋርሞችን እንዲሁም  ፈሳሽ እና ጠጣር ቆሻሻ ማስወገጃ ስራዎችንና የተለያዩ ክንውኖችን ጎብኝተዋል።

The College receives medical equipment

Operation Eye Sight Universal, an NGO based in Canada donated various medical supplies, including equipment used in the surgery of cataract, glaucoma and trachoma surgeries to the Medical and Health Sciences College of Bahir Dar University.

In addition to the medical equipment support, the organization is supporting human resource development of the College with a focus on skill transfer trainings in collaboration with prestigious institutions in India.  Bahir Dar  University delivered some gift items to the officials of the organization (Mr. Aly Bandali, FCPHR, President /CEO Operation Eyesight Universal and Mr. Kashinath Bhoosnurmath, Vice President for International Programmes) as a kind gesture and gratitude for their commitment to support and improve eye care service at Tibebe Ghion Specialized Hospital.

የመጀመሪያው የግዕዝ ጉባኤ ተካሄደ
***********************
በባህር ዳር ዩኒቨርሲቲ ሂዩማኒቲስ ፋክልቲ በግዕዝ ቋንቋና ስነ ፅሁፍ ትምህርት ክፍል አዘጋጅነት በፔዳ መሰብሰቢያ አዳራሽ ግንቦት 6/2011 ዓ.ም. ለግማሽ ቀን የግዕዝ ጉባኤና ዐውደ ርዕይ ተካሄደ፡፡

የመክፈቻ ንግግር ያደረጉት የዩኒቨርሲቲው ፕሬዚደንት ዶ/ር ፍሬው ተገኘ እንደተናገሩት ዩኒቨርሲቲው ብቸኛ በሆነባቸው መሬት አስተዳደር እና ማሪታይም አካዳሚ እንደ ዩኒቨርሲቲ ደረጃችን ከፍ እንዲል የረዳን ቢሆንም የግዕዝ ትምህርት ክፍልን አጠናክረን ብንቀጥል ከዚህ በላይ ውጤት ማስመዝገብ እንችላለን ብለዋል፡፡ ፕሬዚደንቱ አክልውም በዩኒቨርስቲው የግዕዝ ቋንቋ በትምህርትነት ተጠናክሮ እንዲቀጥል አገራዊ አደራም ጭምር እንዳለበት ጠቁመዋል፡፡

በጉባኤው ዲ/ን ዳንኤል ክብረት ስለ ግዕዝ ቋንቋና ስነፅሁፍ ህልውና ቁልፍ ንግግር ያደረጉ ሲሆን የዩኒቨርሲቲ ትልቁ ድርሻ ዕውቀትን ማሻገር በመሆኑ ትምህርት ክፍሉ፤ የብዙ ዕውቀቶች ሚስጥር የሆነውን ግዕዝ ማሰልጠን ፣ መሰብሰብ ፣ መተንተን እና ጥናቶችን አጠናቅሮ መያዝ እንዳለበት አሳስበዋል፡፡

በአዲስ አበባ ዩኒቨርስቲ የቋንቋ ትምህርት ክፍል መምህርና ተመራማሪ የሆኑት ዶ/ር አምሳሉ ተፈራ በበኩላቸው ግዕዝ በዘመናዊ ትምህርት ለምንና እንዴት መሰጠት አለበት በሚለው ሀሳብ መነሻነት ጥናታዊ ፅሁፍ አቅርበዋል፡፡ በፅሁፋቸውም በቋንቋው ዙሪያ እንደ ተግዳሮት ለሚነሱ ጉዳዮች ፡-ግዕዝ የሞተ ቋንቋ ስለሆነ አይሰራበትም፣ በሙያው የሠለጠኑ ምሁራን የሉንም፤ ግእዝን በስርዓተ ትምህርት ለማስገባት በቂ ስዓት የለም በሚሉት ዙሪያ የመፍትሄ ሀሳብ ሰንዝረዋል፡፡

በዐውደ ርዕዩም ከፊደል መቁጠር እስከ ቅኔ ሲሰጥበት የነበረበት ሁኔታ፣ የግእዝ ቅኔ ትምህርት የመማር ማስተማሩ ሂደት በተባዕታይ መምህር እና በአንስታይ መሪ እመቤት እንዴት እንደሚሰጥ እና የብራና አዘገጃጀት፣ ከቆዳና ቀለም ዝግጅት እስከ ድጉሳት ድረስ ያለውን ስራ በተግባር ታይቶበታል፡፡

የባሕር ዳር ዩኒቨርሲቲ ስፖርት አካዳሚ አመታዊ አውደ ጥናት አካሄደ

በትዕግስት ዳዊት

የባሕር ዳር ዩኒቨርሲቲ የስፖርት አካዳሚ ለሁለት ቀናት የሚቆየውን 4ኛውን ሀገራዊ አውደ ጥናት እያካሄደ ነው።

የአውደ ጥናቱ ዋና ጭብጥ “sport as a tool for sustainable social development and peace: realizing the potential” የሚል ነው። በአውደ ጥናቱ ተገኝተው ለተሳታፊዎች የእንኳን ደህና መጣችሁ መልእክት ያስተላለፉት የባህር ዳር ዩኒቨርሲቲ ስፖርት ሳይንስ አካዳሚ ዲን ዶ/ር ተስፋዬ ደሳለኝ የስፖርት ሳይንስ ትምህርት አሰጣጥ እና ጥናት እና ምርምሮች አለም አቀፍ ደረጃዎችን ጠብቀው እየተካሄዱ መሆናቸውን ማረጋገጥ የአካዳሚው ተቀዳሚ ተግባር ነው ብለዋል፡፡

ዶ/ር እሰይ ከበደ የባህር ዳር ዩኒቨርሲቲ የአካዳክ ጉዳዮች ም/ፕ በመርሃ ግብሩ መክፈቻ ተገኝተው ዩኒቨርሲቲው በፕሮግራም ስብጥር፣ በሰው ሀይል እንዲሁም በምርምር እያደገ መሆኑን ተናግረው ዩኒቨርሲቲው የዛሬ 10 አመት የምርምር ተቋም የመሆን ራዕዩን ሰንቆ እየሰራ ሲሆን ለዚህም ይረዳ ዘንድ ከድህረ ምረቃ መርሃ ግብሮች በተጨማሪ 13 የምርምር ተቋማትን ከፍቶ እየተንቀሳቀሰ መሆኑን ጠቁመው ዩኒቨርሲቲው የምርምር ተቋም እንዲሆንም እነኝህን የመሳሰሉ አውደ ጥናቶች ጉልህ ደርሻ አለቸው ብለዋል።

ዶ/ር እሰይ በማከልም የስፖርት አካዳሚው ምሁራን ስፖርቱ ላይ ያሉ ችግሮችን ወርደው በማጥናት የሀገራችን ስፖርት በሁሉም ዘርፎች የተሻለ ደረጃ እንዲደርስ የበለጠ እንዲሰሩና የስፖርት መሰረት የሆኑት ልጆችና ወጣቶች ላይ ፕሮጀክት በመቅረፅ የተሻለ ስራ መስራት እንደሚጠበቅ አሳስበዋል።

ኢትዮጵያ ኦሎምፒክ ኮሚቴ ተወካይ ወ/ሮ ሄሮዳይት  ዘለቀ የኢትዮጵያ ኦሎምፒክ ኮሚቴ  ስፖርትን ለስራ፣ ለሀብት ፈጠራና ገቢ ማመንጫ እንዲሆን ለማድረግ በጥናትና ምርምር የታገዘ ስራ መስራት እንደሚገባ ጽ/ቤታቸው አምኖ ተግባራዊ እንቅስቃሴ እያደረገ መሆኑን ጠቁመዋል፡፡ ለውጤታማነቱም በሀገሪቱ ካሉ ዩኒቨርሲቲዎች ጋር የጋራ እቅድ በማውጣትና ከዩኒቨርሲቲ ምሁራን ጋር በመነጋገር እየሰራ መሆኑን ተናግረው ወደፊትም የኢትዮጵያ ኦሎምፒክ  ኮሚቴ አቅም በፈቀደው አግባብ መሰል አውደ ጥናቶችን እንደሚደግፍ ተናግረዋል።

ሎሬት ፕሮፌሰር ጥሩሰው ተፈራ የአ.አ ዩኒቨርሲቲ ልዩ ፍላጎት ትምህርት ክፍል መምህር ፣ተመራማሪ ፣ የትምህርት ፍኖተ ካርታ መሪ እና የአለም አቀፍ volley ball  instructor አለማየሁ ሸዋታጠቅ  የአውደ ጥናቱን ቁልፍ ማስታወሻ ያቀረቡ ሲሆን በንግግራቸውም የረጅም ጊዜ ተሞክሯቸውን አካፍለዋል። ከተሳታፊዎች ጋርም ሰፊ ውይይት ያደረጉ ሲሆን ተሳታፊወችም ልምድ እንደቀሰሙበት ተናግረዋል፡፡

መርሀ ግብሩ ነገም የሚቀጥል ሲሆን ከሚቀርቡት 25 ጥናታዊ ጽሁፎች መካከል 14 የሚሆኑት በዩኒቨርሲቲው ምሁራን የሚቀርቡ ሲሆን ከዚህ ውስጥ 5 የሚሆኑት የዩኒቨርሲቲው የPhD ተማሪዎች፣ 9 ያክሉ ደግሞ በዩኒቨርሲቲው ምሁራን የሚቀርቡ ናቸው። 11 የሚሆኑት ጥናታዊ ጽሁፎች ከተለያዩ የሀገሪቱ ዩኒቨርሲቲዎች በመጡ ምሁራን የሚቀርቡ ሲሆን በአጠቃላይ  ከሚቀርቡት ጥናታዊ ጽሁፎች 56 % በባህር ዳር ዩኒቨርሲቲ ምሁራን እንደሚቀርቡ ተጠቅሷል።

78ኛው  የኢትዮጵያ አርበኞች የድል በዓል ተከበረ

==============================================

78ኛው  የኢትዮጵያ አርበኞች የድል በዓል  በባሕር ዳር ዩኒቨርሲቲ መሰብሰበያ አዳራሽ በደማቅ ሁኔታ ተከበረ፡፡

በባሕር ዳር ዩኒቨርሲቲ የታሪክ ትምህርት ክፍል ፕሮፌሰር ሹመት ሲሻኝ በመክፈቻ ንግግራቸው የድል በዓሉ የወራሪውን ጦር የበቀል ጥም ያከሸፈና የኢትዮጵያዊያንን አይበገሬነት ያሳየ መሆኑን አውስተው ፤ ሚያዝያ 27 ቀን ሁለት ታሪካዊ ድርጊቶች የሚታወሱበት ነው ብለዋል። የመጀመሪያው  ሚያዝያ 27 ቀን 1928 ዓ.ም ለሀገራችን ቀኑ የጨለመበት እና ወረራ የተፈፀመበት ቀን ሲሆን ሌላው ሚያዝያ 27 ቀን 1933 ዓ.ም ኢትዮጵያ ከአምስት ዓመታት የአርበኞች ተጋድሎ በኋላ ከማይጨው ሽንፈት አንሰራርታ ከወደቀችበት  በመነሳት የማሸነፍ የሀይል ሚዛኑ ወደ ኢትዮጵያዊያን አርበኞች የመጣበት ቀን ሆኖ ታሪክ እንደሚያስታውሰው ተናግረዋል፡፡

 

ፕሮፌሰሩ አክለውም ለ78ኛ ጊዜ እየተከበረ የሚገኘው የድል በዓል ኢትዮጵያዊያን አባቶቻችን በጥረቶቻቸው ብዙ ፈተናዎች በማለፍ  በነፃነታቸው እና ልዑላዊነታቸው ላይ ምንም ድርድር እንደማያውቁ ያሳዩበት ታላቅ ድል መሆኑን ገልፀዋል፡፡ ያም ሆኖ በወረራው ወቅት ለሀገራቸው  ህይወታቸውን የሰጡ የመኖራቸውን ያህል ጥቂት ባንዳወች እንደነበሩ ታሪክ እንደሚያወሳ ፕሮፌሰሩ ገልፀው በጊዜው የነበሩትን የሀሳብ ልዩነቶች ወደጎን ትተው ኢትዮጵያዊያን እናትና አባት አርበኞች በሀገራቸው ላይ ልዩነት እንደሌላቸው በግልፅ ለዓለም ያሳዩበት ክስተት ነው እንደነበረም ጠቁመዋል ፡፡

 

በትምህርትና ስነ ባህሪ ኮሌጅ የሳይኮሎጂ መምህር የሆኑት አቶ ታምራት ደለለኝ የጥንታዊት ኢትዮጵያ ጀግኖች አርበኞች የትግል አሰላለፍ እና የስነ ልቦና ጥንካሬ፣ ለሀገራቸው ነጻነት የከፈሉትን መስዋዕትነት እና ያስገኙትን ድል የሚዳስስ ጥናታዊ ፅሁፍ አቅርበዋል፡፡ በፅሁፋቸውም ጣልያን በወረራው ወቅት ጊዜዊ ድል ያደረጉበትን ቦታ ሳይቀር ለመንገድ እና ለሆቴል ስያሜ እየሰጠ ባለበት ሁኔታ ኢትዮጵያዊያን ለተከፈለው መስዋትነት እና ለተገኘው አኩሪ ድል  የሰጡት ትኩረት አናሳ ነው ብለዋል፡፡ የአርበኞች ታላቅ ገድል ዘላለማዊ እንዲሆን መስራት እንደሚገባ እና አርበኞችና ተጋድሏቸው የበለጠ መጠናትና  መታወስ እንደሚገባ  በአፅንኦት ተናግረዋል፡፡

 

የዚህ ዓመቱ የድል በዓል ሲከበር የጥንታዊት ኢትዮጵያ ጀግኖች አርበኞች ማህበር ፕሬዚዳንት አቶ ዳኝነት አያሌው ፣ አባትና እናት አርበኞች መምህራን፣ ተማሪዎች እና የባህር ዳር ከተማ ወጣት ማህበር አባላትን ጨምሮ የተለያዩ የህብረተሰብ ክፍሎች ታድመውበታል፡፡

 

በዝግጅቱም ታሪኩን የሚዘክሩና የሚያወድሱ የጎዳና ላይ ትርዒቶች ቀርቧል፡፡

የዩኒቨርሲቲው  ተማሪዎች የትንሳኤ በዓልን ከባህር ዳር ከተማ ነዋሪዎች ጋር አከበሩ

በዩኒቨርሲቲው ማህበራዊ ሳይንስ ትምህርት ክፍል አስተባባሪነት የዩኒቨርሲቲ ተማሪዎች የትንሳኤ በዓልን ከባህር ዳር ከተማ ነዋሪዎች ጋር አከበሩ ፡፡

የባህር ዳር ዩኒቨርሲቲ ማህበራዊ ሳይንስ ፋኩልቲ ዲን ዶ/ር ቃለወንጌል ምናለ የዩኒቨርሲቲው  ተማሪዎች ከከተማው ማህበረሰብ ጋር የፋሲካ በዓልን ማክበራቸው  ትርጉም ያለው ውህደት ከማድረጋቸው ባሻገር  ከባህር ዳር ከተማ ማህበረሰብ ጋር መልካም ግንኙነት እንዲመሰርቱ ብሎም ባህር ዳርን እንደቤታቸው እንዲቆጥሩ በማድረግ የዩኒቨርሲቲውንም ሆነ የማህበረሰቡን ገጽታ በመገንባት ስብዕናና ትሩፋት ይጋራሉ ብለዋል፡፡ ይህም ዋና የሆነውን የተማሪዎችን የእውቀት ግብይት ተግባር እና ውጤታማነትን በጉልህ እንደሚያሳድገው ይታመናል፡፡

ዶ/ር ቃለወንጌል አክለውም ባለፈው የገና በዓል በርካታ የዩኒቨርሲቲው ተማሪዎች ከባህር ዳር ከተማ ነዋሪዎች ጋር በዓል ማክበራቸውን አስታውሰው ከተለያዩ  የአገሪቱ ክፍሎች የሚመጡ ተማሪዎች በዩኒቨርሲቲው ቆይታቸው የአካባቢውን ታሪክ ፣ባህል እና ቋንቋ  ማወቅ ጠቀሜታው የጎላ ነው ብለዋል፡፡ ተማሪዎች በቆይታቸውም ባህር ዳርን እንደ ቤታቸው ቆጥረው በትምህርት ገበታቸው ውጤታማ እንዲሆኑ ብሎም በአገራችን ያለውን የህዝብ ለህዝብ ግንኙነት በማጠናከር የበኩላቸውን እንዲወጡ መክረው ወደፊት የባህር ዳር ዩኒቨርሲቲ አምባሳደር እንደሚሆኑ እምነታቸውን ተናግረዋል ፡፡

በመጨረሻም የፋሲካ በዓልን ከበርካታ የዩኒቨርሲቲው ተማሪዎች ጋር ያሳለፉትን የጣና ፣ የበላይ ዘለቀ፣ የአፄ ቴወድሮስ እና የአፄ ምኒሊክ ክፍለ ከተሞች የወጣቶች ማህበራት አባላትን ፣ የባህር ዳር ከተማ ነዋሪዎችን ፣ የዩኒቨርሲቲው መምህራን እና የእኛ ለእኛ የበጎ ፈቃደኞች ማህበርን ፤ ተማሪዎች ከቤተሰቦቻቸው ጋር እንዳሉ እንዲሰማቸው በማድረግ ላበረከቱት ከፍተኛ አስተዋፆ ባህር ዳርን እንደቤቴ በተሰኘው ፕሮጀክት ስም ዶ/ር ቃለወንጌል ልባዊ ምስጋና አቅርበዋል ፡፡ 

 

Indonesian Ambassador Makes Official Visit to BDU
*******************************************
The Ambassador of the Republic of Indonesia to Ethiopia, Al Busyra Basnur, has made an official visit to Bahir Dar University yesterday 25 April/2019.

In this official visit his Excellency, Ambassador Al Busyra, with the other 5 members of the delegation has met members of the BDU Top Management members and Leaders of some academic units of the university. At the discussion made as part of the visit the Ambassador expressed his appreciation to Bahir Dar University for being the first Ethiopian University to visit Universities in the Republic of Indonesia and this has created special interest from the side of the Indonesian Government to work particularly with Bahir Dar University.

‘’My visit to Bahir Dar University,’’ said the Ambassador,’’ is to discuss ways on how the already established partnership between Bahir Dar University and University of Sebelas Maret, Indonesia can be translated into action and to initiate deliberation on how BDU can create partnership with many other universities in Indonesia.’’

After the face-to-face discussion with BDU management members and academic leaders of the university, the delegation led by the Ambassador made site visits to different academic units in different campuses of Bahir Dar University.

Following a visit (by BDU delegation) to some Universities in the Republic of Indonesia, Bahir Dar University established partnership and signed Memorandum of Understanding (MoU) with University of Sebelas Maret (UND) in April 2016 on Biotechnology and related sciences. Moreover, the Embassy of the Republic offered a non-degree scholarship for 11 people from Bahir Dar the majority of whom were taken from the Bahir Dar city.

ለተመራቂዎች የህይወት ክህሎት ስልጠና እየተሰጠ ነው
-----------------------------------------------------
የባህር ዳር ዩኒቨርሲቲ የውጤታማ ትግበራ ዳይሬክቶሬት ከዩኒቨርሲቲው የስልጠና ዳይሬክቶሬት ጋር በመተባበር Cover letter writing, CV writing፣ Mock interview , Self confidence and Interpersonal communication በሚሉ ርዕሶች ዙሪያ የክህሎት ስልጠና እየሰጠ ነው ፡፡

በባህር ዳር ዩኒቨርሲቲ የውጤታማ ትግበራ ዳይሬክተር የሆኑት አቶ ጴጥሮስ ክበበው ስልጠናውን ሲሰጡ እንደተናገሩት በተለይ በዘንድሮ አመት ILO (International labor organization) ከባህር ዳር ዩኒቨርሲቲ ጋር በተፈራረሙት መሰረት፤ ከትምህርት እና ስነ ባህሪ ኮሌጅ ለተመረጡ መምህራን ስልጠና እንዲሰጥ ማድረግ ተችሏል ብለዋል፡፡ ይህን ተከትሎም ባሁኑ ስዓት በ10 የዩኒቨርሲቲ ሥልጡን መምህራን አማካኝነት ለBIT፣ IoTex እና ይባብ ግቢ የዘንድሮ ተመራቂ ተማሪዎች ስልጠናው የተሰጠ ሲሆን በቀጣይም በሁሉም ግቢዎች ቅዳሜ እና እሁድ ስልጠናው እንደሚቀጥል ገልፀዋል ፡፡

አቶ ጴጥሮስ አክለውም ተመራቂ ተማሪዎች ገበያው የሚፈልገውን እውቀት፣ ክህሎት እና አመለካከት ጨብጠው ይወጣሉ ተብሎ የሚጠበቅ ሲሆን የአሁኑ የህይወት ክህሎት ስልጠና ደግሞ እራሳቸውን ብቁ እና ተፎካካሪ አድርገው ለመቅረብ ያስችላቸዋል ብለዋል ፡፡

Pages