የባሕር ዳር ዩኒቨርሲቲ ስፖርት አካዳሚ እና ሆፕ ፎር ኢትዮጵያ

‹‹የተማሪዎችን ሁለንተናዊ ዕድገት በማረጋገጥ ጤናማ እና አምራች ዜጋን መፍጠር ቀዳሚ ተግባራችን ነው›› አቶ ኤርሚያስ ዘውዱ የሆፕ ፎር ኢትዮጵያ መስራችና ስራ አስፈፃሚ

የባሕር ዳር ዩኒቨርሲቲ ስፖርት አካዳሚ ከሆፕ ፎር ኢትዮጵያ ጋር በመተባበር ባሕር ዳር ከተማ አስተዳደር ውስጥ በሚገኙ 24 ትምህርት ቤቶች (ከኬጅ እስከ መሰናዶ ትምህርት ቤት) ከሚተገብራቸው 5 ዘርፎች የተማሪዎች የጤና መረጃ አያያዝ ስልጠና ለነርሶች መስጠት ጀመረ፡፡

በስልጠና ማስጀመሪያው ላይ የተገኙት የሆፕ ፎር ኢትዮጵያ መስራችና ስራ አስፈፃሚ አቶ ኤርሚያስ ዘውዱ ባሕር ዳር ከተማ አስተዳደር ውስጥ በሚገኙ ትምህርት ቤቶች ድርጅቱ የሚያከናውናቸው ተግባራት ንፅህና አጠባበቅ ፕሮቶኮል፣ በትምህርት ቤት የጤና አገልግሎት አቅርቦት፣ በትምህርት ቤት ቀጣይነት ያለው የተመጣጠነ የምግብ ፕሮግራም፣  በትምህርት ቤት የስፖርት መገልገያዎች እና ቁሳቁሶች ግንባታና አቅርቦት፣ በትምህርት ቤት የአትሌቲክስ ስልጠና እና ልማት ፕሮግራሞች እንደሆኑ ገልፀዋል፡፡

አቶ ኤርሚያስ ፕሮግራሙ በከተማው በሞዴልነት በተመረጡ የጣና ሐይቅ 2ኛ ደረጃ መሰናዶ እና የጠይማ 1ኛ ደረጃ ትምህርት ቤት እንደሚጀምር ተናግረዋል፡፡ በዚህም ትምህርት ቤቶችን ምቹ የትምህርት አካባቢ በማድረግ ጤናማ እና አምራች ዜጋን መፍጠር እንችላለን ብለዋል፡፡

በባሕር ዳር ዩኒቨርሲቲ የስፖርት አካዳሚ ዲን ዶ/ር ዳኛቸው ንግሩ በበኩላቸው ከሆፕ ፎር ኢትዮጵያ ጋር የአምስት ዓመት መርሃ ግብር ተዘጋጅቶ ወደ ስራ መገባቱን አውስተዋል፡፡ ለዚህም ፕሮግራም መሳለጥ አስተዋጾ ያደረጉትን የዩኒቨርሲቲውን ምርምርና ማህበረሰብ አገልግሎት ፕሬዝዳንት ፅ/ቤት፣ የአባይ ማዶ አዲስ አለም ሆስፒታል፣ ለባሕር ዳር ጤና መምሪያ፣ ለኦርቤት ሄልዝ እና አማራ ሚዲያ ኮርፖሬሽን ምስጋቸውን አቅርበዋል፡፡

የጤና መረጃ አያያዝ ስልጠና ለነርሶች እየሰጡ የሚገኙት የ Orbit Health Domain Expert ዶ/ር ዳኛቸው የዛሬው ስልጠና የሚያተኩረው የተማሪዎች ጤና መመዝገቢያ ፕሮግራም ውጤታማ ለማድረግ ነርሶች በቴክኖሎጅ እየታገዙ ተማሪ ቤት እና ሆስፒታል በቅንጅት የሚሰሩበት ነው ብለዋል፡፡

ከዓባይ ጓዳ ጥበብ ሲቀዳ

Wisdom at the source of Blue Nile
ለተጨማሪ መረጃዎች፡-
Facebook https://www.facebook.com/bduethiopia
YouTube https://www.youtube.com/@bduethiopia
Instagram www.instagram.com/bduethiopia
TikTok https://www.tiktok.com/@bduethiopia
Telegram https://t.me/bduethiopia
Twitter https://twitter.com/bduethiopia
LinkedIn http://www.linkedin.com/school/bduethiopia
Website https://bdu.edu.et/
#bdu60th_anniversary