Latest News

ፕሮፌሰር እዩዓለም ተሞክሯቸውን አካፈሉ

Alliance for Research, Innovation, and Education ( AfRIM ) የተሰኘውና የኢትዮጵያ ከፍተኛ ትምህርት ተቋማትን አቅም  ለማጎልበት የተመሰረተው የዓለምአቀፍ ሳይንቲስቶች፣ ተመራማሪዎች ጥምረት መሪ ቡድን አባል እና የ Elizabeth City State University ፕሮፌሰር እዩዓለም አበበ በአውሮፓና አሜሪካን ኢንስቲትዩቶችና ስርዓቶች፤ የዩኒቨርስቲያችን ምሁራንና አካዳሚክ አመራሮች እንዲሁም የከፍተኛ አመራር አባላት በተገኙበት የካበተ ልምዳቸውን አካፍለዋል፡፡

የውይይቱ ዓላማ እንደ ምርምር ዩኒቨርሲቲ ወደፊት ለመጓዝ ምን ነገሮች ላይ ብንሰራ ጥሩ እንደሚሆንና ሙያዊ ጉዳዮች ላይ እንዴት መተጋገዝ እንደሚቻል የሀሳብ ልውውጥ ማድረግ ነው፡፡  

በውይይቱ መክፈቻ የኢንፎርሜሽንና ስትራቴጅክ ኮሙኒኬሽን ም/ፕሬዝዳንት ዶ/ር ዘውዱ እምሩ AfRIE ከባሕር ዳር ዩኒቨርሲቲ ጋር ሰፊ ስራዎችን እየሰራ ከመሆኑም በላይ ዩኒቨርሲቲያችንን እንደምርምር ዩኒቨርሲቲ አሁን ከደረሰበት የእድገት ደረጃ በመነሳት ተቋሙን ወደታለመለት ግብ ለመድረስ ምን አይነት ሙያዊ ድጋፍ እንደምንፈልግ ደጋግሞ በመጠየቅ ከሌላው የAfRIE መሪ ከሆኑት መካከል ከዶ/ር ዮናስ ግዛው ጋር ከወራት በፊት ውይይት መደረጉን አውስተዋል፡፡

ኃላፊው አያይዘው ባሕር ዳር ዩኒቨርሲቲ በAfRIE ተግባራዊ እንቅስቃሴ መነሻ በማድረግ በርካታ ስራዎችን በመስራት ሁለት ዙር የ Grant Writing Workshop በማካሄድ ለበርካቶች የምርምር አቅም ፈጠራ ተጨባጭ ስራ እየሰራ የሚገኝና ስልጠናውን ተከትሎም ለተወሰኑ ስልጣኞች የሜንተሪንግ ስራ እየሰራ ያለ ቡድን ነው ብለዋል፡፡

ተሳታፊዎችም እንደ ምርምር ተቋም የተሻለ ለመሆን ምን ይቀረናል፣ ወደ ምርምር የሚያስገባው ስልጠና ምን መልክ ይኑረው፣ በዩኒቨርስቲው ምን አይነት ስርዓት ቢዘረጋ ነው ተመራማሪው ምርምሩን ብቻ ትኩረት አድርጎ እንዲሰራ የሚሆነው፣ ማህበረሰቡ ለትምህርት (ምርምር) ያለውን ግንዛቤ እንዴት እናሳድግ፣ ምርምርን የችግር መውጫ መንገድ ከማድረግ ባለፈ፤እንዴት ነው እውነተኛ ተመራማሪ መሆን የሚቻለው? የሚሉት ጥያቄዎች አንስተው ውይይት ተደርጎባቸዋል፡፡

 

የዩኒቨርሲቲው የቀድሞ ተማሪ የመፅሀፍ ልገሳ አደረጉ
========================
‹‹ፀሐይ›› በሚል ርዕስ በዘለዓለም አንዳርጌ (ካፒቴን) ተደርሶ የኢትዮጵያን አቪየሽን አጀማመር የሚተርኩ፤ ግምታቸው 50 ሺ ብር በላይ የሚሆን 300 መጽሀፍትን የዩኒቨርሲቲው የቀድሞ ተማሪ የአቪየሽን ግሩፕ መስራች አቶ ዮናታል መንክር ለባሕር ዳር ዩኒቨርሲቲ ቤተ- መጻሕፍት አስረክበዋል፡፡
አቶ ዮናታል በዩኒቨርሲቲው ቆይታቸው ‹‹መንክር›› የጥናት ፓርክ በማቋቋም ተማሪዎች ሀሳብ እንዲለዋወጡ፣ የህይወት ልምድ እንዲያደርጉ ከጓደኞቻቸው ጋር መስራታቸውን አስታውሰው፤ ብዙ ሰው ሀሳብ ሊያመጣ ይችላል የሚቀበለው ለም መሬት ነው ወይስ ጭንጫ ነው ብሎ መጠየቅ ይኖርብናል፡፡ ዩኒቨርሲቲውም መጽሀፉን ለማስረከብ ሀሳቡን ሳቀርብ ሀሳቡን ስለተቀበለኝ አመሰግናለሁ ብለዋል ፡፡
የባሕር ዳር ዩኒቨርሲቲ ፕሬዝዳንት ዶ/ር ፍሬው ተገኘ በመክፈቻ ንግግራቸው ቤተ መጽሀፍታችን በአገር አቀፍ ደረጃ በዲጅታል ላይብራሪ የተሻለ ደረጃ ላይ እንደሚገኝ ጠቁመው መጽሀፍቱ ወደ ዩኒቨርሲቲ መምጣታቸው የመላው ኢትዮጵያ ስብስብ የሆነው የዩኒቨርስቲው ማህበረሰብ እያነበበ ብሎም እየተመራመረ የሚጠቀምበት ይሆናል ብለዋል፡፡
‹‹በዓለም የአቪየሽን ታሪክ አብራሪነት የነጮች ሙያ ብቻ ተደርጎ በሚቆጠርበት ዘመን፣ የራሱን አብራሪዎች በማፍራት ረገድ ኢትዮጵያ ከዓለም በግንባር ቀደምትንት ከሚቆጠሩት ጥቂት አገሮች ተርታ የምትመደብ መሆኑን ከዚህ መጽሀፍ ታሪክ መረዳት ይቻላል፡፡ በተለይ ‹‹ፀሐይ›› ስለተባለችው አውሮፕላን እዚሁ አገር መሠራት እና አውሮፕላኗም በስደት ኢጣሊያ አገር ሙዚየም ውስጥ ስለመገኘቷ የሚያሳየው ክፍል፣ ስለምን ሥልጣኔያችን እንዳጀማመራችን ሳይሆን ቀረ አስብሎ የሚያስቆጭ ነው፡፡ ካልተነገረለት የአቪየሽን ታሪካችን በተጨማሪ፣ ከ1920ዎቹ መጀመሪያ አንስቶ የተከናወኑ እና የተከሰቱ ሌሎች ታሪካዊ ሁነቶችንም በጥናት ላይ ተመስርቶ መተረኩን በመጽሀፉ ሽፋን ተፅፎ ይገኛል፡፡
በርክክብ ስነ ስርዓቱ የባሕር ዳር ዩኒቨርሲቲ ቤተ መጽሀፍት ዳይሬክቶሬት እና የኢንፎርሜሽን ስትራቴጅክ ኮሚኒኬሽን ም/ፐሬዝዳንት ተገኝተዋል፡፡
ባሕር ዳር ዩኒቨርሲቲ ይህን አርአያነት ያለው ተግባር ያደንቃል!

የወታደራዊ ሰልጣኞች ምረቃ

መሰረታዊ የውትድርና ስልጠና የወሰዱ የባሕር ዳር ዩኒቨርሲቲ መምህራንና የአስተዳደር ሰራተኞች በዩኒቨርሲቲው የስፖርት አካዳሚ ስታዲየም ፕሬዘዳንቱን ጨምሮ ከፍተኛ አመራሮች በተገኙበት የምረቃ ስነ- ስርዓቱ ተካሂዷል፡፡

የዩኒቨርሲቲው ፕሬዘዳንት ዶ/ር ፍሬው ተገኘ የስልጠናው ዋና ዓላማ ህብረተሰቡንና ንብረቱን ከተደቀነበት የህልውና አደጋ ለመጠበቅ ታልሞ እንጂ ሌላ ተልኮ እንደሌለው ገልፀው አገርንና ህዝብን ለመጠበቅ የትምህርት ደረጃ ገደብ የሌለው መሆኑን አስገንዝበዋል፡፡

ፕሬዘዳንቱ በማስከተል የውጩ ዓለም ተሞክሮ ከፕሮፌሰርነት እስከ ተራው ህዝብ ድረስ ለውትድርና ዝግጁ ሆነው እንደሚጠብቁ አውስተው ሁሉም የዩኒቨርሲቲው ማህበረሰብ ለውትድርና እራሱን ቢያዘጋጅ ከጥቃት መከላከል እንደሚችል ገልፀዋል፡፡

በተጨማሪም ኢትዮጲያ አገራችን የማንንም አገር መብት የማትደፍርና ከነኳት ግን ጥግ ድረስ ወራሪ ጠላትን የምታንበረክክ መሆኗን ዓለም እንደሚመሰክር አስገንዝበው ሰልጣኞች ከስልጠናው መልስ መተኛት እንደሌለባቸውና አካባቢያቸውን በንቃት መጠበቅ እንደሚገባቸው ፕሬዘዳንቱ አሳስበዋል፡፡

የሰልጣኞች ብዛት 425 ሲሆን ከወታደራዊ አሰላለፍ እስከ የጨበጣ ውጊያ ድረስ ያለውን ሂደት ለታዳሚዎች አሳይተዋል፡፡ በመጨረሻም ባለ 8 ነጥብ የአቋም መግለጫ ያቀረቡ ሲሆን ለአሰልጣኞችና ለሰልጣኞች የምስክር ወረቀት በአመራሮች ተሰጥቷል፡፡

በሙሉጎጃም አንዱዓለም  

 

የስራ ተኮር የምክር አገልግሎት ስልጠና ተሰጠ

የባሕር ዳር ዩኒቨርሲቲ የስልጠና ዳይሬክቶሬት ለ2013 ዓ.ም በመጀመሪያ ዲግሪ በመደበኛው መርሃ ግብር ተመራቂ ለሆኑ 3250 ተማሪዎች ከውጤታማ ትግበራ ዳይሬክቶሬት ጋር በመተባበር ከመስከረም 3-7/2014 ዓ.ም ድረስ TOT በወሰዱ አሰልጣኞች ስልጠና ተሰጠ፡፡

 

ስልጠናው ግለ ግምገማና የስራ እና የተለያዩ የስራ መስኮችን ማጤን/መዳሰስ፣ ከሰዎች ጋር ተግባብቶ መስራትና ችግርን የመፍታት ክህሎት፣ ስራ የመፍጠርና የመፈለግ ክህሎት፣ የተለያዩ የሙያ ዘርፎችን መዳሰስ፣ የትምህርት እና የስራ ልምድ ማስረጃ (CV Preparation) ማዘጋጀት፣የስራ ማመልከቻዎችን (Cover letter Preparation) ማዘጋጀት፣ በሚሉ ይዘቶች ላይ ትኩረት ተሰጥቶ የተጠናቀቀ መሆኑን የባሕር ዳር ዩኒቨርሲቲ የስልጠና ዳይሬክቶሬት ዳይሬክተር አቶ ወርቁ አበበ ገልፀዋል፡፡

 

በስልጠናው ወቅት ያገኘናቸው የስራ ተኮር የምክር አገልግሎት ማዕከል አስተባባሪ የሆኑት ረዳት ፕሮፌሰር ዮርዳኖስ ይበልጣል እንደገለፁት በባሕር ዳር ዩኒቨርሲቲ የተማሪዎች የሙያ ማበልፀጊያ ማእከል የዩኒቨርሲቲውን ራዕይና ተልዕኮ መሰረት በማድረግ ተማሪዎች ተመርቀው ሲወጡ በሙያቸው ተወዳዳሪ፤ ስራ ፈጣሪ፤ የስራ ቅጥር እድልን ማሳደግ ፤ በስራ ቅጥር ውድድር አሸናፊ እንዲሆኑ ፤ በህይዎታቸውና በስራ አለም የሚገጥማቸውን ችግሮች የመፍታት ክህሎት ማዳበር እና ሙያዊ ስነ ምግባር ያላቸው እንዲሆኑ ለማድረግ የሚያስችሉ የተለያዩ የሙያ ማበልፀጊያ አገልግሎቶች በመስጠት ላይ ይገኛል፡፡ ይህንንም መሰረት በማድረግ ማዕከሉ፡ ራስን የመፈተሽና የተለያዩ የስራ መስኮችን ማጤን፤ የስራ ፈጠራ ክህሎት ስልጠናዎችን፡ የገበያ ተወዳዳሪነት ክህሎት ስልጠናዎችን፤ የሙያ ስነ ምግባር ስልጠናዎችን በመስጠትና የስራ እድሎችንም በማመቻቸት እየሰራ ይገኛል ብለዋል ፡፡

 

በስነ ልቦና ትምህርት ክፍል መምህር መሰረት አያሌው በበኩላቸው የስልጠናው አላማ ተመራቂዎቻችን በገበያው አለም ተወዳዳሪ ሆነው ወደ ስራ አለም እንዲገቡ እና ስራ መፍጠር የሚያስችል የስራ መፈለግ እና የስራ ፈጠራ ስልጠና ነው ፡፡ ትኩረቱም በዩኒቨርሲቲ ቆይታቸው ብዙም ቦታ ያልተሰጠው ሆኖ ማለትም የግል ታሪካቸውን እንዴት ማዘጋጀት ይችላሉ፣ ቃለ መጠይቆችን እንዴት ይመልሳሉ የሚሉ ናቸው፡፡ አንደኛው እራስን ማወቅ ሌሎችን መረዳት ወይም ዕውቀታቸውን መለየት እና ከነሱ እውቀት፣ ፍላጎት ጋር የሚሄዱትን ፈልጎ ለዚያ መዘጋጀት ሲሆን የተመረቁበት ትምህርት ስራው የማይገናኝ ከሆነ በነሱ ፍላጎት የሚሆን ስራ መፍጠር የሚያስችል ስልጠና ነው ብለዋል፡፡  

 

Bahir Dar University Blue Nile Water Institute organizes a public lecture on the GERD

 

The lecture which focused on the GERD and titled “Comparative Analysis of Indus Basin Treaty – 1960 and Declaration of Principles – 2015”, was given by the Ambassador of Pakistan in Ethiopia, H.E. Mr. Shozab Abbas on September17, 2021 at Wisdom Hall Bahir Dar University.  

 

The lecture was opened with a brief welcome address by the Director of Blue Nile Water Institute, Dr. DagnachewAklog. After welcoming the Ambassador and his wife, in his speech Dr. Dagnachew mentioned that Pakistan is a global superpower in irrigation systems development and there is a lot Ethiopia can learn from Pakistan. Dr. Dagnachew also emphasized the importance and timeliness of the public lecture by mentioning that the lessons obtained from the Indus Basin Treaty, which has avoided a potential water conflict between India and Pakistan, can be useful to solve our dispute with Sudan and Egypt over the GERD and Abbay River. 

ባሕር ዳር ዩኒቨርሲቲ በተለያዩ መርሀ ግብሮች ያሰለጠናቸውን 5 ሺህ 586 ተማሪዎች አስመረቀ፡፡

******************************************************************************

በሙሉጌታ ዘለቀ

የባሕር ዳር ዩኒቨርሲቲ ከመጀመሪያ ድግሪ እስከ ሦስተኛ ድግሪ በተለያዩ ትምህርት መስኮች ያሰለጠናቸውን 1ሺህ 714 ሴት እና  3ሺህ 872 ወንድ በአጠቃላይ  5ሺህ 586 የ2013 ዓ.ም ተመራቂ ተማሪዎችን ዛሬ መስከረም 8/2014 ዓ.ም  በዋናው ግቢ ስታዴዬም  የኢ.ፌ.ድ.ሪ የውሃ፣ መስኖና ኢነርጂ ሚኒስቴር ሚንስትርና የባሕር ዳር ዩኒቨርሲቲ ስራ አመራር ቦርድ ሰብሳቢ ዶ/ር ኢንጂነር ስለሽ በቀለ፣የዩኒቨርሲቲው ከፍተኛ አመራሮች፣ መምህራንን ጨምሮ ጥሪ የተደረገላቸው እንግዶች በተገኙበት በደማቅ ሁኔታ አስመርቀ፡፡

የባሕር ዳር ዩኒቨርሲቲ ፕሬዝዳንት ዶ/ር ፍሬው ተገኘ  በዕለቱ ለተማሪዎች ባስተላለፉት መልእክት “እናንተ ከሀገራችሁ ከምትጠብቁት ይልቅ ሀገራችሁ ከእናንተ የምትጠብቀው ይበልጣልና ህይወታችሁን እስከመስጠት መሰዋእትነት መክፈል ይጠበቅባችኋል” ብለዋል፡፡ “ሊነጋ ሲል ይጨልማልና ሊነጋ ሲል የተገኛችሁ በመሆናችሁ በጨለማው ውስጥ ያለው ጅብ እንዳይበላችሁ ልትጠነቀቁ ይገባል፣ ሀገራችሁን እና ሕልውናዋን ጠብቁ” ሲሉ ለተመራቂ ተማሪዎች መልክት አስተላልፈዋል፡፡

 

ፕሬዚዳንቱ አክለውም እናንተ በቆይታችሁ የተማራችሁትን መሠረት አድርጋችሁ ቀጣይ በሥራ ህይወታችሁ በምታገኙት እውቀት በመታገዝ ሀገራችሁን ከገባችበት ፈተና እንድትሻገር በእናንተ ላይ የተጣለ ኃላፊነት መሆኑን በመረዳት በአግባቡ እንድትወጡ ሲሉ መልዕክታቸውን አስተላልፈዋል፡፡

 

በምረቃት ስነ-ስርዓቱ ላይ በክብር እንግድነት የተገኙትና የዕለቱ ቁልፍ ንግግር አቅራቢ የኢ.ፌ.ድ.ሪ የውሃ፣ መስኖና ኢነርጂ ሚኒስቴር ሚንስትርና የባሕር ዳር ዩኒቨርሲቲ ስራ አመራር ቦርድ ሰብሳቢ ዶ/ር ኢንጂነር ስለሽ  በቀለ እንዳሉት አሁን በደረስንበት ዘመን ትምህርት የሥልጣኔ ምንጭ ከመኾን አልፎ የመኖር እና ያለመኖር ጉዳይ ኾኗል፤ በተለይም ውስን ሀብት ባለበት ሀገር የሰው ልጅ ከተለመደ አኗኗር በመውጣት በዕውቀትና በፈጠራ ላይ ተመስርቶ ልማትና ሰላም ለማምጣት ሊተጋ ይገባል ብለዋል፡፡

 

ተመራቂዎችም ከልጅነት ጀምረው በትምህርት ታንጸው ያገኙትን ዕውቀት እንደ ምርኩዝ በመጠቀም ኢትዮጵያን በእውነት፣ በእውቀት እና በሥራ ሊገነቧት እንደሚገባ ዶክተር ኢንጂነር ስለሽ አስገንዝበዋል፡፡ የዛሬ ተመራቂዎች ለማኅበረሰቡ መልካም ዜጋና አርአያ ፤ ለሀገራቸውና ለቤተሰባቸውም አለኝታ፣ ለራሳቸውም ብቁ ዜጋ በመኾን ለኢትዮጵያ እድገት  እንዲተጉ በሰለጠኑበት የትምህርት መስክ ጠንክረው በመስራት ስኬታማ መሆን እንደሚገባቸው ተናግረዋል፡፡ የባሕር ዳር ዩኒቨርሲቲ የሥራ ኃላፊዎችና ሠራተኞችም ኢትዮጵያን ከገጠማት ፈተና ለማሻገር የሚያበረክቱትን ምሁራዊ አስተዋጽኦ አጠናክረው መቀጠል እንዳለባቸው አሳስበዋል፡፡

 

በምረቃ ሥነ ሥርዓቱ ላይ የተገኙት በኦሮሚያ ክልላዊ መንግሥት በምክትል ርዕሰ መስተዳድር ማዕረግ የማኅበራዊ ክላስተር አስተባባሪ የሆኑት አቶ አዲሱ አረጋ ለተመራቂ ተማሪዎች የእንኳን ደስ አላችሁ መልዕክት አስተላልፈዋል፡፡ የዛሬ ተመራቂዎች ኢትዮጵያ ያጋጠማትን ፈተና የምትጋፈጡበት እና ሀገራችሁን የምታኮሩበት ጊዜ ላይ በመገኘታችሁ እንኳን ደስ አላችሁ ብለዋል፡፡

ኢትዮጵያ ጠፋች ሲሏት የምትደምቅ ከሰመች ስትባል የምታበራ ሀገር ናት፤ እሷን ለመጠበቅ ድካም እንዳይዛችሁ ያሉት አቶ አዲሱ ኢትዮጵያ የተቃጣባትን የከሀዲዎች እና የመሰሪዎች ቅንጅት እንደ ጉም በማብነን የእናትነት ውለታዋን የምትከፍሉበት ሠዓት ላይ ደርሳችኋል፤ ይህንም በድል እንደምትወጡት ተስፋ አለኝ ብለዋል፡፡

 

ባሕር ዳር ዩኒቨርሲቲ በኢትዮጵያ ለሰብዓዊ መብት መከበር፣ ለዴሞክራሲያዊ ሥርዓት ግንባታ ብሎም ለፍትሕና እኩልነት መከበር ከፍተኛ አስተዋጽኦ በማበርከት ለሚታወቀውና ለኢትዮጵያዊነት አቀንቃኙ አቶ ኦባንግ ሜቶ እንዲሁም በኢትዮጵያና ሌሎች በማደግ ላይ ባሉ ሀገሮች ህጸተ-ዝናብ አካባቢዎች በሠሯቸው የምርምር፣ የልማትና አቅም ግንባታ ሥራዎችና ባመጧቸው አወንታዊ ለውጦች እንዲሁም ለዩኒቨርሲቲው ባደረጉት ከፍተኛ አስተዋፆ ለሚታወቁት ታላቁ ጃፓናዊ ፕሮፌሰር አሱሺ ሱኔካዋ የዓመቱን የክብር ዶክትሬት ዲግሪ ተሸልመዋል፡፡ የክብር ዶክተር ኦባንግ ሜቶም የኢ.ፌ.ድ.ሪ የውሃ፣ መስኖና ኢነርጂ ሚኒስቴር ሚንስትርና የባሕር ዳር ዩኒቨርሲቲ ስራ አመራር ቦርድ ሰብሳቢ ከዶ/ር ኢንጂነር ስለሽ  በቀለ  እና ከባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘ እጅ የክበር ዶክትሬት ዲግሪአቸውን ተቀብለዋል፡፡

 

 

በምረቃ ሥነ-ስርዓቱ ላይ 29 ተማሪዎች በአፋን ኦሮሞ ቋንቋ ሲመረቁ በአጠቃለይ ውጤት ከሴቶች የግብርናና አካባቢ ሳይንስ ኮሌጅ በዋይልድ ላይፍ እና ኢኮቱሪዝም ትምህርት ክፍል ተማሪ የሆነችው ድንቅነሽ አበራ 3.94 አጠቃላይ ውጤት በማምጣት ተሸላሚ ስትሆን በአጠቃላይ ደግሞ የግብርናና አካባቢ ሳይንስ ኮሌጅ ፕላንት ሳይንስ ትምህርት ክፍል ተማሪ የሆነው አለባቸው ውድነህ 3.98 አጠቃላይ ውጤት በማምጣት የዋንጫ ተሸላሚ ሆኗል፡፡ በምረቃ ስነ-ስርዓቱ ላይ የጎረቤት ሀገር ሱዳን ሰባት ወንድና አንድ ሴት የሦስተኛ ድግሪ ተማሪዎች  በዕለቱ ተመርቀዋል፡፡

 

 

 

 

 

 

 

 

 

በባሕር ዳር ዩኒቨርሲቲ የጥበበ ግዮን ስፔሻላይዝድ ሆስፒታል የካንሰር ሕክምና አገልግሎት መስጠት ጀመረ

https://www.facebook.com/cmhsbdu/posts/1829901730544737

በ 2013 ዓ.ም የባሕር ዳር ዩኒቨርሲቲ የክብር ዶክትሬት ተሸላሚዎች፡-
1. Prof. Atsushi Tsunekawa (እዉቁ የህፀተ- ዝናብ ተመራማሪ )
2. አቶ ኦባንግ ሜቶ (የሰብዓዊ መብቶች ተሟጋች እና የሰላም አቀንቃኝ)
እንኳን ደስ አላችሁ!!!
ስለ ልዩነት ፈጣሪ አበርክቷችሁ ክብር ይድረሳችሁ!
ባሕር ዳር ዩኒቨርሲቲ
የእንስሳት መኖ እና የመሬት መልሶ ማቋቋም ፕሮጀከት (EthiopoiaGrass) የስራ ማስጀመሪያ የውይይት መድረከ ተካሄደ
--------------------------------------------------------------------------
የእንስሳት መኖ እና የመሬት መልሶ ማቋቋም ፕሮጀከት ባሕር ዳር ዩኒቨርሲቲ እና ሐዋሳ ዩኒቨርሲቲ በሚገኙ የዘርፉ ምሁራን ሀሳብ አፍላቂነት ለሶስት ዓመት ተኩል የሚተገበር የምርምር ስራ ነው፡፡ መቀመጫውን አዲስ አበባ ባደረገው አለም አቀፍ እርሻ ምርምር (CIAT) ድርጅት ስራ አስፈፃሚ የሆኑት ዶ/ር ውለታው አበራ እንደተናገሩት የፕሮጀክቱ አላማ የተሻሻሉ የመኖ ዕጽዋትን በመጠቀም የእንስሳት ሀብታችንን የመኖ ችግር መቅረፍና የተፈጥሮ ሀብት መመናመንን መቀነስ ነው፡፡ በተጨማሪም በዚህ ፕሮጀክት አማካኝነት ሌሎች መንግስታዊና መንግስታዊ ያልሆኑ ፕሮጀክቶችና መስሪያ ቤቶችን በመቀናጀት ተጨማሪ መፍትሔ ለማፍለቅ የመፍትሄው አካል መሆን እንዲችል ለመስራት ነው፡፡
 
ኃላፊው አያይዘው እንደጠቀሱት የውይይቱ ትኩረት የተፈጥሮ ሀብት መመናመን እና የአፈር መሸርሸርን ለመቀነስ አመቱን ሙሉ የሚሸፍኑ ዝርያዎችን መለየት እና የመሬት መመናመንን ከመቀነስ በተጨማሪም ለመኖ የሚጠቅሙ ዝርያዎችን መምረጥ ነው፡፡
 
በባሕር ዳር ዩኒቨርስቲ ግብርናና አካባቢ ሳይንስ ኮሌጅ የእንስሳት ሳይንስ መምህርና በዚህ ፕሮጀክት የባሕር ዳር ዩኒቨርሲቲ አስተባባሪ ዶ/ር ቢምረው አስማረ የውይይቱን ዋና አላማ ሲገልፁ EthiopianGrass ፕሮጀክት በባሕር ዳር ዩኒቨርስቲ በ2021 የተጀመረ መሆኑን ገልጸው ፕሮጀክቱ ከተፈጥሮ ሃብት አጠባበቅና እንስሳት መኖ ልማት አንጻር እንደ አንድ የምርምር አጋዠ ሆኖ የቆመ ነው ብለዋል፡፡ በዚህ ውይይት ከግብርና ቢሮ፣ከአመልድ፡ የግብርና ምርምር እና ሌሎችም ዘርፎች ጋር ስለ ፕሮጀክቱ አጀማመርና በቀጣይ ፕሮጀክቱ በባሕር ዳር እና አካባቢው ወደ ስራ ሲገባ ባሕር ዳር ዩኒቨርሲቲን ሌሎች ባለድርሻ አካላት በምን መልኩ እገዛ ሊያደርጉ ይችላሉ በሚለው ላይ ተወያይቶ ለወደፊት አቅጣጫ ለማስቀመጥ ነው ብለዋል፡፡
 
ዶ/ር ቢምረው እንደ ጀማሪ የእንስሳት መኖና ተፈጥሮ ሃብት ፕሮጀክት ባሕር ዳር ዩኒቨርሲቲ ከኖርዌ ተቋማት ጋር ሲሰራ ብዙ ስራ ይጠበቅበታል፡፡ በተለይ በእንስሳት መኖ ዘርፍ እና በተፈጥሮ ሀብት ስራ ብዙ ያልተሰራ አለ፡፡ እነዚህን አዳዲስ የመኖ ዝርያዎችን አምጥተን አንደኛ የተፈጥሮ ሃብታችንን ልናሻሽ፣ ሁለተኛ የእንሰሳት መኖ ችግርን ለመቅረፍ አማራጭ የመኖ ዘር አቅርቦት ዕድል ስለሚፈጥርልን ለፕሮጀክቱ ስኬት እገዛ ከሚያደርጉ አካላት ጋር ተመካክረን አቅጣጫ እንይዛለን ብለን እናምናለን በማለት ገልጸዋል፡፡
 
በውይይቱም አመልድ(አማራ መልሶ መቋቋም ልማት ድርጅት፣ የጀርመን አለም አቀፍ ተቋም፣ ደብረ ማርቆስ ምርምር ማዕከል፣ የአንዳሳ ምርምር ማዕከል፣ ግብርና ቢሮ እና በባሕር ዳር ዩኒቨርሲቲ ምርምር ማህበረሰብ ም/ፕሬዝዳንት ጀምሮ እስከ እንስሳት ሳይንስ ክፍል ድረስ መምራኖች፣ፕሮፊሰሮች፣ተመራማሪዎች ተገኝተዋል፡፡
 
ተሳታፊዎችም ለምርምር የገቡት የሳር እና ሌጊዩም መኖዎች ሲመረጡ የሚመለከታቸው አካላት ተሳትፈዋል ወይ፣ በተመረጡት የመኖ ዝርያዎች የዝሆኔ ( Napielgrass ) ለምን አልተካተተም፣ የተመረጡት የመኖ ዝርያዎች ወደ ምገባ( ለወተትና ስጋ ) ምርት እንዲሆን ፕሮጀክቱ ምን አቅዷል፣ የሚሰሩ ምርምሮች አካባቢውን ይቀይራሉ፣ተመጋጋቢነታቸውስ እንዴት ነው የሚሉት ጥያቄዎች ተነስተው ምላሽ የተሰጠባቸው ሲሆን በቀጣይ የፕሮጀክቱን ዓላማ በማያዛባ መልኩ መሻሻል የሚገባቸው ጉዳዮች ላይ ከሚመለከታቸው ጋር በመወያየት እርምት ሊወሰድ እንደሚችል ከአስተባባሪዎች መልስ ለመረዳት ተችሏል ፡፡
የእንስሳት መኖ እና የመሬት መልሶ ማቋቋም ፕሮጀከት (EthiopoiaGrass) የስራ ማስጀመሪያ የውይይት መድረከ ተካሄደ
--------------------------------------------------------------------------
የእንስሳት መኖ እና የመሬት መልሶ ማቋቋም ፕሮጀከት ባሕር ዳር ዩኒቨርሲቲ እና ሐዋሳ ዩኒቨርሲቲ በሚገኙ የዘርፉ ምሁራን ሀሳብ አፍላቂነት ለሶስት ዓመት ተኩል የሚተገበር የምርምር ስራ ነው፡፡ መቀመጫውን አዲስ አበባ ባደረገው አለም አቀፍ እርሻ ምርምር (CIAT) ድርጅት ስራ አስፈፃሚ የሆኑት ዶ/ር ውለታው አበራ እንደተናገሩት የፕሮጀክቱ አላማ የተሻሻሉ የመኖ ዕጽዋትን በመጠቀም የእንስሳት ሀብታችንን የመኖ ችግር መቅረፍና የተፈጥሮ ሀብት መመናመንን መቀነስ ነው፡፡ በተጨማሪም በዚህ ፕሮጀክት አማካኝነት ሌሎች መንግስታዊና መንግስታዊ ያልሆኑ ፕሮጀክቶችና መስሪያ ቤቶችን በመቀናጀት ተጨማሪ መፍትሔ ለማፍለቅ የመፍትሄው አካል መሆን እንዲችል ለመስራት ነው፡፡
 
ኃላፊው አያይዘው እንደጠቀሱት የውይይቱ ትኩረት የተፈጥሮ ሀብት መመናመን እና የአፈር መሸርሸርን ለመቀነስ አመቱን ሙሉ የሚሸፍኑ ዝርያዎችን መለየት እና የመሬት መመናመንን ከመቀነስ በተጨማሪም ለመኖ የሚጠቅሙ ዝርያዎችን መምረጥ ነው፡፡
 
በባሕር ዳር ዩኒቨርስቲ ግብርናና አካባቢ ሳይንስ ኮሌጅ የእንስሳት ሳይንስ መምህርና በዚህ ፕሮጀክት የባሕር ዳር ዩኒቨርሲቲ አስተባባሪ ዶ/ር ቢምረው አስማረ የውይይቱን ዋና አላማ ሲገልፁ EthiopianGrass ፕሮጀክት በባሕር ዳር ዩኒቨርስቲ በ2021 የተጀመረ መሆኑን ገልጸው ፕሮጀክቱ ከተፈጥሮ ሃብት አጠባበቅና እንስሳት መኖ ልማት አንጻር እንደ አንድ የምርምር አጋዠ ሆኖ የቆመ ነው ብለዋል፡፡ በዚህ ውይይት ከግብርና ቢሮ፣ከአመልድ፡ የግብርና ምርምር እና ሌሎችም ዘርፎች ጋር ስለ ፕሮጀክቱ አጀማመርና በቀጣይ ፕሮጀክቱ በባሕር ዳር እና አካባቢው ወደ ስራ ሲገባ ባሕር ዳር ዩኒቨርሲቲን ሌሎች ባለድርሻ አካላት በምን መልኩ እገዛ ሊያደርጉ ይችላሉ በሚለው ላይ ተወያይቶ ለወደፊት አቅጣጫ ለማስቀመጥ ነው ብለዋል፡፡
 
ዶ/ር ቢምረው እንደ ጀማሪ የእንስሳት መኖና ተፈጥሮ ሃብት ፕሮጀክት ባሕር ዳር ዩኒቨርሲቲ ከኖርዌ ተቋማት ጋር ሲሰራ ብዙ ስራ ይጠበቅበታል፡፡ በተለይ በእንስሳት መኖ ዘርፍ እና በተፈጥሮ ሀብት ስራ ብዙ ያልተሰራ አለ፡፡ እነዚህን አዳዲስ የመኖ ዝርያዎችን አምጥተን አንደኛ የተፈጥሮ ሃብታችንን ልናሻሽ፣ ሁለተኛ የእንሰሳት መኖ ችግርን ለመቅረፍ አማራጭ የመኖ ዘር አቅርቦት ዕድል ስለሚፈጥርልን ለፕሮጀክቱ ስኬት እገዛ ከሚያደርጉ አካላት ጋር ተመካክረን አቅጣጫ እንይዛለን ብለን እናምናለን በማለት ገልጸዋል፡፡
 
በውይይቱም አመልድ(አማራ መልሶ መቋቋም ልማት ድርጅት፣ የጀርመን አለም አቀፍ ተቋም፣ ደብረ ማርቆስ ምርምር ማዕከል፣ የአንዳሳ ምርምር ማዕከል፣ ግብርና ቢሮ እና በባሕር ዳር ዩኒቨርሲቲ ምርምር ማህበረሰብ ም/ፕሬዝዳንት ጀምሮ እስከ እንስሳት ሳይንስ ክፍል ድረስ መምራኖች፣ፕሮፊሰሮች፣ተመራማሪዎች ተገኝተዋል፡፡
 
ተሳታፊዎችም ለምርምር የገቡት የሳር እና ሌጊዩም መኖዎች ሲመረጡ የሚመለከታቸው አካላት ተሳትፈዋል ወይ፣ በተመረጡት የመኖ ዝርያዎች የዝሆኔ ( Napielgrass ) ለምን አልተካተተም፣ የተመረጡት የመኖ ዝርያዎች ወደ ምገባ( ለወተትና ስጋ ) ምርት እንዲሆን ፕሮጀክቱ ምን አቅዷል፣ የሚሰሩ ምርምሮች አካባቢውን ይቀይራሉ፣ተመጋጋቢነታቸውስ እንዴት ነው የሚሉት ጥያቄዎች ተነስተው ምላሽ የተሰጠባቸው ሲሆን በቀጣይ የፕሮጀክቱን ዓላማ በማያዛባ መልኩ መሻሻል የሚገባቸው ጉዳዮች ላይ ከሚመለከታቸው ጋር በመወያየት እርምት ሊወሰድ እንደሚችል ከአስተባባሪዎች መልስ ለመረዳት ተችሏል ፡፡

Pages