Latest News

                       በዘንዘልማ ግቢ አመታዊ ኮንፈረስ እየተካሄደ ነው

የባህር ዳር ዩኒቨርሲቲ ግብርናና አካባቢ ሳይንስ ኮሌጅ ከአደጋ መከላከል እና ስነምድር ሳይንስ ትምህርት ቤት ጋር በመተባበር አመታዊ ኮንፈረሱን እያካሄደ ነው፡፡

በመርሃ ግብሩ መክፈቻ የባህር ዳር ዩኒቨርሲቲ አስተዳደር ጉዳዮች ኃላፊ አቶ ብርሃኑ ገድፍ የተገኙ ሲሆን በአገራችን በርካታ ዩኒቨርሲቲዎች እና የተማረ የሰው ሃይል ቢኖርም በግብርናው ዘርፍ ያለብንን ችግሮች ለመፍታት የሚሰሩ የምርምር ስራዎች በሚፈለገው መጠን ተጨባጭ መፍትሄ እያመጡ አይደለም ብለዋል ፡፡ ስለዚህ በሁለቱ ቀን ቆይታችሁ ባሉን ችግሮቻችን ላይ ትኩረት እንደምታደርጉ ተስፋ አለኝ ብለዋል ፡፡

በመርሃ ግብሩ ተገኝተው ለተሳታፊዎች የእንኳን ደህና መጣችሁ መልእክት ያስተላለፉት የባህር ዳር ዩኒቨርሲቲ ግብርናና አካባቢ ሳይንስ ኮሌጅ ዲን ዶ/ር ሽመልስ አይናለም የጉባኤው ዋና ጭብጥ  Agriculture and Environmental Management for Sustainable Development”, “Building Disaster Resilient Community”, “Geosciences to Uncover Earth’s Resources መሆኑን ጠቁመው ግብርና የአገሪቱ  ኢኮኖሚ ምሰሶ በመሆኑ የሌሎችን ዘርፎችን ዕድገት እና አጠቃላይ ብሔራዊ ኢኮኖሚያዊ  ዕድገትን ይወስናል ብለዋል::  በተለይም በታዳጊ ሀገራት ድህነትን ለማጥፋት የሚገጥሙትን ዋነኛ ፈተናዎችን ለመሻገር ይህን መሰሉ ጉባኤ ሳይንሳዊ ምርቶች እና የውሳኔ ሃሳቦችን በማመንጨት እረገድ ወሳኝ ሚና ይጫወታል ብለዋል፡፡

መርሀ ግብሩ እስከ ግንቦት 23 የሚቀጥል ሲሆን 29 የሚሆኑት ጥናታዊ ጽሁፎች ከተለያዩ የሀገሪቱ ዩኒቨርሲቲዎች በመጡ ምሁራን ሲቀርቡ ቀሪዎቹ 12 ጥናታዊ ፅሁፎች በዩኒቨርሲቲው ምሁራን የሚቀርቡ ይሆናል፡፡ ጥናቶች  በጥቅሉ  የእንስሳት ምርትና ጤና፣ የተፈጥሮ ሀብት አስተዳደር፣ የዓሳና የዱር አራዊት፣ የእርሻ ምርት እና  አስተዳደር ንዑስ ዘርፎች ላይ የሚያተኩሩ ይሆናሉ ፡፡

አይሲቲ ለልማት የምርምር ማዕከል 2ኛውን አለም አቀፍ አውደ ጥናት አካሄደ።

በትዕግስት ዳዊት

በባህር ዳር ዩኒቨርሲቲ ቴክኖሎጂ ኢንስቲትዩት አይሲቲ ለልማት የምርምር ማእከል ከተለያዩ አጋር አካላት ጋር በመተባበር አይሲቲ ለአፍሪካ ልማት በሚል መሪ ቃል ለ3 ቀናት የሚቆይ አለም አቀፍ አውደ ጥናት  በባህር ዳር አካሂዷል።

የማዕከሉ ዳይሬክተር ዶ/ር ተስፋ ተገኘ እንዳሉት የአውደ ጥናቱን ተነሳሽነት የባህርዳር ዩኒቨርሲቲ ቴክኖሎጂ ኢንስቲትዩት ወስዶ እንዳሰባሰበው ገልፀዋል፡፡ የጉባኤው አላማም በተለያዩ ዘርፎች ማለትም በቋንቋ ጥናት፣ በጤና፣ ትምህርትና የግብርና ስራን በቴክኖሎጂ መደገፍ ላይ፣ ገመድ አልባ የሞባይል አገልግሎት እንዲሁም የውሀ ጥራት ላይ ስፖንሰሮችን በመጠቀም የቴክኖሎጂ ውጤቶችን ማውጣት ነው ብለዋል።

በአይሲቲ የማህበረሰቡን ችግር እንዴት እንፈታለን የሚል አላማ ላይ ትኩረት ያደረገው አውደ ጥናቱ ከተለያዩ የአገር ውስጥና የውጭ የአይሲቲ ምሁራን የተሳተፉበት ሲሆን 31 የሚሆኑ የምርምር ወረቀቶች ቀርበዋል፡፡ ይህም ካለፈው አመት ሲታይ ቀጥሩ የላቀ ሲሆን ይህም አበረታች ነው ተብሏል፡፡

ከጎንደር ዩኒቨርሲቲ የመጡት የመርሀ ግብሩ ተሳታፊ አቶ ቢንያም  ጉባኤዎች በየክልሉ የሚሰሩ የምርምር ስራዎችን ለመጋራትና አንዱ ያለውን ጥሩ ተሞክሮ ለሌሎች ለማካፈል ይረዳሉ ብለዋል፡፡ በእለቱ እንደተናገሩትም አይሲቲን በመጠቀም የጤናና የግብርናውን ዘርፍ በማዘመን ስር ነቀል ለውጥ ማምጣት ይገባል ብለዋል፡፡ አቶ ቢንያም  በዕለቱ በጤናው ዘርፍ ላይ ያላቸውን እውቀትና ተሞክሮ ለተሳታፊዎች አካፍለዋል።

ኢትዮጵያ ወስጥ ያሉ ዩኒቨርሲቲዎች ከሌሎች ዩኒቨርሲቲዎች ጋር እንዴት ይሰራሉ የሚል ርእሰ ጉዳይ ላይ ሰፊ ውይይት የተደረገ ሲሆን በተለይም በምርምር ዘርፍ ከተለያዩ አጋር አካላት ጋር ለመስራት ዋጋቸው ውድ ያልሆኑና ማህበረሰቡን ሊጠቅሙ የሚችሉ ቴክኖሎጂዎችን በመለየት መስራት እንደሚገባ የተጠቆመ ሲሆን ተመራማሪዎችም ያላቸውን ልምድና እውቀት አካፍለዋል። ተጋባዥ ምሁራኑም ከዩኒቨርሲቲው ጋር በጥምረት ለመስራት ተወያይተዋል፡፡

 

ባሕር ዳር ዩኒቨርሲቲ ለ’’ባሕር ዳር እንደቤቴ‘’ ፕሮጀክት መሳካት ጉልህ አስተዋጽኦ ላበረከቱ እውቅና ሰጠ

ባሕር ዳር ዩኒቨርሲቲ ከተለያዩ የአገሪቱ ክፍሎች ወደተቋሙ በሚመጡ ተማሪዎችና በባሕር ዳር ከተማና አካባቢዋ ነዋሪዎች መካከል ቤተሰባዊ ግንኙነት ለመፍጠር በነደፈው ’’ባሕር ዳር እንደቤቴ‘’ ፕሮጀክት ከፍተኛ ተሳትፎ ለነበራቸው የዩኒቨርሲቲው ማህበረሰብና ለከተማዋ ማህበረሰብ አካላት እውቅና ሰጠ፡፡

በዚህ በዩኒቨርሲቲው ዋና ግቢ (ፔዳ) በተዘጋጀው የእውቅና ፕሮግራም ላይ በፕሮጀክቱ ከፍተኛ አስተዋጽኦ የነበራቸው አስተባባሪ የዩኒቨርሲቲው መምህራን፣ የባሕር ዳር ከተማ ወጣቶችና ማህበራት የበጎ ተግባር የምስክር ወረቀት ተበርክቶላቸዋል፡፡

በዚህ የእውቅና ፕሮግራም ላይ ስለፕሮጀክቱ ማብራሪያ የሰጡትና ከዩኒቨርሲቲው ምርምርና ማህበረሰብ አገልግሎት ምክትል ፕሬዚዳንት ጽ/ቤት ጋር በመተባበር ፕሮጀክቱን በበላይነት የመሩት የማህበራዊ ሳይንስ ፋኩልቲ ዲን ዶ/ር ቃለወንጌል ምናለ እንደተናገሩት ይህ ፕሮጀክት ለሌሎች ዩኒቨርሲቲዎችም በመልካም ተሞክሮነት ይወሰዳል ተብሎ እውቅና የተሰጠው በጎ ተግባር መሆኑ ለዩኒቨርሲቲውና ለባሕር ዳር ከተማ ኩራት እንደሆነ ጠቅሰዋል፡፡ ለወደፊቱም ፕሮጀክቱ ይበልጥ እንዲሰራበት ለማድረግ የተለያዩ ስራዎች እየተሰሩ ነው ብለዋል፡፡

በሌላ በኩል ለፕሮጀክቱ መሳካት ጉልህ አስተዋጽኦ የነበራቸውን አካላት ለማመስገን በተዘጋጀው የእራትና የእውቅና ፕሮግራም ላይ ለተሳታፊዎቹ የምስክር ወረቀት የሰጡት የዩኒቨርሲቲው ኢንፎርሜሽንና ስትራቴጂክ ኮሚኒኬሽን ምክትል ፕሬዚዳንት ዶ/ር ዘውዱ እምሩ ለዚህ ፕሮጀክት መሳካት ጠንክረው የሰሩትን የዩኒቨርሲቲውን ማህበረሰብ አካላትና የባሕር ዳር ከተማ የተለያዩ የማህበረሰብ ክፍሎችን አመስግነው በዚህ ፕሮጀክት እስካለሁን የተመዘገበው አመርቂ ውጤት ይበልጥ ተጠናክሮ እንዲቀጥል ለማድረግ ዩኒቨርሲቲው የተለያዩ ስራዎችን እየሰራ እንደሆነና በቀጣይም ተቋሙ ከማህበረሰቡ ጋር በተሻለ ጥምረት እንደሚሰራ አስገንዝበዋል፡፡  

Institute of Land Administration, BDU, starts its 4th Annual National Conference today

The Institute of Land Administration (ILA), Bahir Dar University, has started its 4th Annual National Conference on the theme ''Land Administration Research for Informed Decision'' today at Unison Hotel, Bahir Dar.

At the Conference, the key note speaker and senior staff of the Institute, Dr Tadesse Amsalu, stressed that it is time to inform all land related policy decisions in the country through research. And in this regard, the government should promote and take the leading role for the use of research evidences in making decisions in terms of land administration in the region and the country at large.

At this National Conference which will stay for two days representatives of the usual partner organizations of the institute (ILA, BDU)- UKaid, GIZ and the European Union as well as the Ministry for Foreign Affairs of Finland and Bahir Dar University officials and staff are participants.

                       የግእዝና የአዝማሪ ዐውደ ጥናት እየተካሄደ ነው

የባህር ዳር ዩኒቨርሲቲ ዐባይ የባህልና ልማት ጥናትና ምርምር ማዕከል 5ኛውን ሀገር አቀፍ የግዕዝና የአዝማሪ አውደ ጥናት በዋናው ግቢ እያካሄደ ነው፡፡

በመርሃ ግብሩ ተገኝተው ለተሳታፊዎች የእንኳን ደህና መጣችሁ መልእክት ያስተላለፉት የባህር ዳር ዩኒቨርሲቲ ዐባይ የባህልና ልማት ጥናትና ምርምር ማዕከል ዳይሬክተር ዶ/ር ሙሉቀን አንዷለም  ‹‹ ግዕዝ ውእቱ መጽሔታ ለኢትዮጵያ ዘትሬኢ ኩለንታሃ (ግእዝ ኩለመናዋን የምታይበት የኢትዮጵያ መስታይቷ) የዕለቱ ጭብጥ መሆኑን ጠቁመው በዓሁኑ ስዓት ከ36 ሺ በላይ ቤተ ክርስቲያናት በግዕዝ ቅዳሴ ይከወናል ፣ ቅኔ ይዘረፋል ፤ ስለዚህ የግዕዝ ቋንቋ ሞቷል የሚሉ የስነ ልሳን ትምህርት ምሁራን ሀሳባቸው ስህተት ነው ብለወል፡፡

የባሕር ዳር ዩኒቨርሲቲ ኢንፎርሜሽንና ስትራቴጅክ ኮሚኒኬሽን ምክትል ፕሬዚደንት ዶ/ር ዘውዱ እምሩ  በመርሃ ግብሩ መክፈቻ ተገኝተው  እንደተናገሩት የግዕዝ ቋንቋን ለማሳደግ ምሁራን በችግሮች ዙሪያ የተለያዩ ጥናቶችን በማድረግ ብሎም መፍትሄዎች ላይ ወደ ተግባራዊ እንቅስቃሴ በመግባት ግእዝን በተሸለ መጠቀም እንዲቻል ብዙ ስራ መሰራት አለበት ብለዋል፡፡ ዶ/ር ዘውዱ አክለውም ደኖቻችን እየተመናመኑ ወጥተው በቤተክርስቲያን ቅፅሮች አካባቢ ብቻ ተወስነው እንደመገኘታቸው ሁሉ ግእዝ ቋንቋችንም ሰፈሩ በቤተክርስቲያን ብቻ ተወስኖ መቆየቱ ቋንቋውን በማፋፋት በኩል የተሰሩ ስራዎች አናሳ መሆናቸውን የሚያሳይ ነው ብለዋል፡፡

በዓውደ ጥናቱ የክብር እንግዳ የሆኑት አቶ ሠርፀ ፍሬ ስብሐት በአዲስ አበባ ከተማ አስተዳደር ባህልና ቱሪዝም ቢሮ ም/ኃላፊ በኩላቸው  በበኩላቸው አዝማሪነት የኢትዮጵያን ሙዚቃ በስልታዊ መንገድ እንዲጓዝ ያደረገ ባለውለታ ነው በማለት በዘመንና በጊዜ የተፈታው አዝማሪ ከራሱ አፍልቆ ፣ የህዝቡን ስነ ልቡናና የሹክሹክታ ድምጽ ሰምቶ በአጭር አገላለፅ ለመተቸት ወይም ለማሞገስ ያበረከተው አስተዋጿ ከፍተኛ ነው ብለዋል ፡፡

መርሀ ግብሩ እስከ ግንቦት 16 የሚቀጥል ሲሆን ቅኔና የአዝማሪ ጨዋታን ጨምሮ 16 የሚሆኑ ጥናታዊ ፅሁፎች ይቀርቡበታል፡፡

የባህር ዳር ዩኒቨርሲቲ ለተፈናቃዮች የተለያዩ ድጋፎችን አደረገ።

በትእግስት ዳዊት

የባህር ዳር ዩኒቨርሲቲ በአማራ ክልል ሰው ሰራሽ በሆነ ምክንያት ለተፈናቀሉና በከፍተኛ ችግር ውስጥ ላሉ ዜጎች ድጋፍ አደረገ፡፡

ዩኒቨርሲቲው ከቀያቸው በመፈናቀላቸው ምክንያት የእለት ጉርስ፣ መጠለያና አልባሳት ለሌላቸው የማህበረሰብ ክፍሎች ቀደም ሲል ብር 2000000.00/ 2 ሚሊዮን ብር ድጋፍ ማድረጉ የሚታወቅ ሲሆን አሁን ደግሞ የዩኒቨርሲቲው የማህበረሰብ ኮሚቴ በማዋቀር የተለያዩ ድጋፎችን ለማድረግ ከፍተኛ እንቅስቃሴ እያደረገ ይገኛል፡፡ በመሆኑም የኢትዮጵያ ፋሽን ዲዛይን ኢንስቲትዩት ብር 600000.00 /ስድስት መቶ ሽህ ብር/ የሚገመት አልባሳትና ጫማዎች፣ በግብርናና አካባቢ ሳይንስ ኮሌጅ አስተባባሪነት ዩኒቨርሲቲው ለምርምር ከመንግስት ከወሰደው 50 ሄክታር  መሬት ላይ የበቀለ 650 ኩንታል በቆሎ፣ 32 ኩንታል ጤፍ፣ እና 30 ኩንታል ስንዴ በድምሩ ግምቱ ብር1000000.00/1ሚሊዮን ብር የሚያወጣ 710 ኩንታል የቀለብ እህል የተሰጠ ሲሆን፤ ከዩኒቨርሲቲው ማህበረሰብም ብር 457232.00 /አራት መቶ አምሳ ሰባት ሽህ ሁለት መቶ ሰላሳ ሁለት ብር/ በጥሬ ገንዘብ ለተመሳሳይ ዓላማ ተሰብስቧል፡፡ በአጠቃላይ የባህር ዳር ዩኒቨርሲቲ 2057232.00 /ሁለት ሚሊዮን አምሳ ሰባት ሽህ ሁለት መቶ ሰላሳ ሁለት ብር/ ለተፈናቃይ ወገኖች ድጋፍ ማድረጉ ተገልጿል፡፡

የክልሉ አደጋ መከላከልና ምግብ ዋስትና ፕሮግራም ልዩ ድጋፍ የሚሹ አካባቢዎች ማስተባበሪያ ኮሚሽን ኮሚሽነር አቶ አማረ ክንዴ በሃገራችን በምዕራብና ማእከላዊ ጎንደር፣ ከአጎራባቾች አሮሚያ እና ቤኒሻንጉል ጉምዝ ክልሎች ከአንድ ሚሊዮን በላይ ሰዎች በክልሉ ተፈናቅለው  እንዳሉና በ20 ጊዚያዊ መጠለያ ጣቢያዎችና ከዘመድ አዝማድ ተጠልለው እንደሚገኙ ገልጸዋል፡፡ ተፈናቃዮችን በዘላቂነት ወደነበሩበት አካባቢ ለመመለስና ለማቋቋም የተለያዩ የገቢ ማሰባሰብያ ስራዎች እየተከናወኑ ነው ብለዋል።

አቶ አማረ እስካሁን የተለያዩ እርዳታዎች መደረጋቸውን ገልጸው ባህር ዳር ዩኒቨርሲቲ ያደረገውን ድጋፍ ተቀብለው  ለተፈናቃዮች በትክክል በማድረስ ፍትሃዊ የሆነ ስርጭት እንደሚያደርግ የክልሉን አደጋ መከላከል በመወከል ቃል ገብተዋል፡፡ አቶ አማረ አክለውም በቀጣይም ተፈናቃዮችን በዘላቂነት ለማቋቋም የሚጠይቀው ገንዘብ ወደ 1.5 ቢሊዮን ብር በመሆኑ እና እስካሁን የተሰበሰበው ገንዘብ መጠን ብር 320000000/ሶስት መቶ ሰላሳ ሚሊዮን ብር ብቻ ስለሆነ እንደ ባህር ዳር ዩኒቨርሲቲ ሁሉ ሌሎችም መንግስታዊና መንግስታዊ ያልሆኑ ግብረ-ሰናይ ተቋማትም ድጋፍና ርብርብ እንዲያደርጉ ጥሪ አቅርበዋል። የባህር ዳር ዩኒቨርሲቲ ያደረገውን ድጋፍም አመስግነዋል።

አቶ እያሱ መስፍን የኮሚሽኑ የህዝብ ግንኙነት ዳይሬክቶሬት ዳይሬክተር ተፈናቃዮች ምንም ባልጠበቁትና እና ባላሰቡት ሁኔታ የተፈናቀሉ በመሆናቸው በከፍተኛ እንግልትና ስቃይ ውስጥ እንዳሉ ገልፀው የህይወት መቀጠፍ አደጋ ድረስ የሆነ ችግር እንደሚያጋጥማቸውም ጠቁመዋል፡፡ ማህበረሰቡም ባለው የመደጋገፍ ባህል እንዲረዳቸው ጥሪ አቅርበው መንግስት ስትራቴጂዎችን በመንደፍ ተፈናቃዮችን ወደነበሩበት ለመመለስ እቅድ ይዞ እየተንቀሳቀሰ ነው ብለዋል።

 

Humanities hosts public talk

The Faculty of Humanities hosted a public talk by Nick Barnett, the spokesperson to the U.S. Embassy. The topic titled ‘Political transition and social media’ by Mr. Barnett emphasized on the impact of social media usage on the political transition in Ethiopia and democratization. In his talk, addressed to faculty and students, Mr. Barnett take the extreme sides social media users position themselves regarding some political issues as one of the biggest threats to the country’s peace building efforts. In line with information dissemination, fake accounts and the resulted fake news and misinformation are believed to have malicious impacts in the proper functioning of the nation.

Speaking on the position of the US pertaining to the current situation in Ethiopia Mr. Barnett said, “The U.S. government does not take any sides, but supports the democratization process of the country where people are equally treated”. Amanda Jacobsen, the U.S. Embassy Public Affairs Officer, added that the U.S. seeks to see a country where everyone’s participation is visible in a democratic culture. “However people are different, they have a shared vision to Ethiopia”, Mr. Barnett added. He advised that the only option for people on social media is to hold dialogues about differences and work steadily and relentlessly towards commonalities.

In the end, Dr. Dawit Amogne, the dean of the Faculty of Humanities, expressed his gratitude to the attendees and presenters.

                                 የSTEM ከል 2 ዙር ያሰለጥናቸውን ተማሪዎች አስመረቀ

የባህር ዳር ዩኒቨርሲቲ ሳይንስና ቴክኖሎጂ ማበልፀጊያ ማዕከል / Stem Incubation Center / ከባህር ዳር ከተማ ለመጡ 50 አመልካቾች በፈጠራ ስራ ላይ ያተኮረ የ6 ወር ስልጠና ሰጠ፡፡

ሰልጣኞች በማዕከሉ በነበራቸው ቆይታም  በፈጠራ ስራ ላይ ያተኮረ ውድድር አድርገው ሦስት አሸናፊዎች ወደ ቀጣዩ ውድድር ተሸጋግረዋል፡፡ አሸናፊዎች የዕውቅና የምስክር ወረቀት የተበረከተላቸው ሲሆን ፤ US Embassy, ICog Labs, JICA እና Humanity ከተባሉ ተቋማት ጋር በመሆን በኢትዮጵያ 15 ከተሞች ለሚሳተፉበት ውድድር ባህር ዳር ከተማን የሚወክሉ እንደሚሆኑም ታውቋል፡፡

በመርሃ ግብሩ የአማራ ክልል ሳይንስና ቴክኖሎጂ ዳይሬክቶሬት ዳይሬክተር ዶ/ር ሰብስበው አጥቃው የተገኙ ሲሆን አገሪቱ ለሳይንስና ቴክኖሎጂ ዘርፍ የተለየ ትኩረት በምትሰጥበት ወቅት የማህበረሰብ ችግር ፈች የስራ ፈጠራ ስራዎች ለውድድር መቅረባቸው የተለየ እንደሚያደርገው ተናግረው ጅምሩ ይበል የሚያሰኝ ነው ብለዋል ፡፡

የባሕር ዳር ዩኒቨርሲቲ ትምህርት እና ስነ ባህሪ ኮሌጅ አመታዊ አለም አቀፍ ጉባኤ አካሄደ

የባሕር ዳር ዩኒቨርሲቲ ትምህርት እና ስነ ባህሪ ኮሌጅ 37ኛውን አለም አቀፍ ትምህርታዊ ጉባኤውን በዋናው ግቢ መሰብሰቢያ አዳራሽ እያካሄደ ነው።

በመርሃ ግብሩ ተገኝተው ለተሳታፊዎች የእንኳን ደህና መጣችሁ መልእክት ያስተላለፉት የባህር ዳር ዩኒቨርሲቲ ትምህርት እና ስነ ባህሪ ኮሌጅ ዲን ዶ/ር ታደሰ መለሰ የጉባኤው ዋና ጭብጥ secondary and technical vocational education and training: practices, challenges and prospectsመሆኑን ጠቁመው  ባሁኑ ስዓት ኮሌጁ 6 የመጀመሪያ ዲግሪ፣ 12 የሁለተኛ ዲግሪ  3 የPhD ፕሮግራሞች እየሰጠ እንደሆነና 4 አዳዲስ የሁለተኛ ዲግሪ  እና 3 የ PhD ፕሮግራሞችን ለመጀመር በሂደት ላይ መሆኑን ጠቁመዋል ፡፡ በጉባኤውም በኢትዮጵያ ውስጥ የሁለተኛና የቴክኒክ ሙያ ትምህርትና ሥልጠና  ምርመር ላይ በአንድም ሆነ በሌላ መልኩ ተሳትፎ ያላቸው ምሁራን እና ባለሙያዎች የተገኙ መሆኑን ገልፀዋል፡፡

የባሕር ዳር ዩኒቨርሲቲ ፕሬዝዳንት ዶ/ር ፍሬው ተገኘ በመርሃ ግብሩ መክፈቻ ተገኝተው  እንደተናገሩት በተባበሩት መንግስታት የተሻሻለ የልማት ግብ 4 የተመዘገበው፤  የሁሉንም ማህበረሰብ ህይወት ለመለወጥ እና ዘላቂ ልማት ለማምጣት  ሁሉን አቀፍና ፍትሃዊ ጥራት ያለው ትምህርት መሰረት እንደሆነ ጠቁመዋል፡፡ ማስረጃዎች ስለ ጥራት አስፈላጊነት ያለልዩነት ቢያትቱም  በኢትዮጵያ  ስርዓተ ትምህርት የመጀመሪያ ደረጃና ሁለተኛ ደረጃ ትምህርት ጥራት እና ብቃት  ላይ ቅሬታዎች እንዳሉ የተለያዩ ጠቋሚዎች መኖራቸውን ፕሬዝዳንቱ ተናግረዋል ፡፡  በመሆኑም የዚህ አመቱ ትምህርታዊ ጉባኤ ጭብጥ አሳማኝ እንደሆነ ፕሬዝዳንቱ ገልፀዋል፡፡

መርሀ ግብሩ ግንቦት 9 እና 10 የቀጠለ ሲሆን 11 የሚሆኑት ጥናታዊ ጽሁፎች ከተለያዩ የሀገሪቱ ዩኒቨርሲቲዎች በመጡ ምሁራን የሚቀርቡ ሲሆን ቀሪዎቹ 11 ጥናታዊ ፅሁፎች በዩኒቨርሲቲው ምሁራን የሚቀርቡ ናቸው፡፡

 

 

የባህር ዳር ዩኒቨርሲቲ ከሜሪላድ ዩኒቨርሲቲና ሂብሪው ዩኒቨርሲቲዎች ጋር ውይይት አካሄደ።

 በትዕግስት ዳዊት

በሶስትዮሽ የውይይት መርሀ ግብሩ የባህር ዳር ዩኒቨርሲቲ ፕሬዚዳንት ዶ/ር ፍሬው ተገኘ የዩኒቨርሲቲያቸውን ታሪክ፣ራዕይ፣እንዲሁም ዩኒቨርሲቲው ያለበትን ወቅታዊ ሁኔታ ለተሳታፊዎች ገለፃ አድርገዋል፡፡ በውይይቱም  ከሁለቱ የታወቁ  ዩኒቨርሲቲዎች ምሁራን የሚቀሰመውን ጠቃሚ ልምድና፣ እውቀት የዩኒቨርሲቲውን ራዕይ ለማሳካት እንደሚጠቅም ፕሬዚዳንቱ እምነታቸውን ገልፀዋል።

ከሜሪላንድ እና ሂብሪው ዩኒቨርሲቲዎች የመጡ ፕሮፌሰሮች የየዩኒቨርሲቲያቸውን ተሞክሮ፣  እና የቴክኖሎጂ ውጤቶች ለመርሀ ግብሩ ተሳታፊዎች ያቀረቡ ሲሆን ምሁራኑ አክለውም ባህር ዳር ዩኒቨርሲቲም የተቋማቶቻቸውን የምርምር፣ የህትመት፣ የቴክኖሎጂና መሰል ልምዶችን በመውሰድ እንዲጠቀምበት ጠቁመዋል፡፡ ወደፊትም ከባህር ዳር ዩኒቨርሲቲ ጋር በተለያዩ መስኮች አብረው እንደሚሰሩ ገልጸዋል፡፡

የባህር ዳር ዩኒቨርሲቲ ሲቪልና ውሃ ትምህርት ክፍል መምህር፣ረዳት ተመራማሪ እና የብሉ ናይል ውሃ ተቋም ዳይሬክተር ዶ/ር ማማሩ አያሌው በምግብ፣ የአየር ንብረት ለውጥ እንዲሁም ጤናና መሰል ጉዳዮች ላይ የዩኒቨርሲቲው ምሁራን ከመጡት ምሁራን ጋር ሰፊ ውይይት በማድረጋችው አለም አቀፋዊ እውቅና ያላቸው ተቋማት ያላቸውን ተሞክሮ፣ እና ትልቅ ልምድ መጋራት ተችሏል ብለዋል፡፡ ወደፊትም በጋራ ትልመ ጥናት በማዘጋጀት እና በአጭር ጊዜ ወደ ትግበራ በመምጣት በስነ-ምግብ፣ ጤናና ተመሳሳይ ጉዳዮች ላይ የተሻለ ስራ እንደሚሰሩ ዳይሬክተሩ እምነታቸውን ተናግረዋል።

በውይይቱ ላይ የዩኒቨርሲቲው የውሀ፣ ምግብና ህብረተሰብ ጤና  ምሁራን እንዲሁም ከሁለቱ የውጭ ተቋማት የመጡ ምሁራን ልምዳቸውን፣ተሞክሯቸውንና ይጠቅማሉ ያሏቸውን የምርምር ጥናቶች (ወረቀቶች ) ያቀረቡ ሲሆን ከተሳታፊዎች ጋርም ሰፊና ውጤታማ ውይይት ተደርጓል፡፡ ተሳታፊ ምሁራኑ በዩኒቨርሲቲዎች የተለያዩ ግቢዎች የሚገኙ ፋርሞችን እንዲሁም  ፈሳሽ እና ጠጣር ቆሻሻ ማስወገጃ ስራዎችንና የተለያዩ ክንውኖችን ጎብኝተዋል።

Pages