Latest News

ቤነፊት ሪያላይዝ (BENEFIT-REALISE) ፕሮግራም ክልላዊ የምርጥ ቴክኖሎጂ ሽግግር አውደጥናት አካሄደ

***********************************************************************************

በሙሉጌታ ዘለቀ

ቤነፊት ሪያላይዝ (BENEFIT-REALISE) ፕሮግራም ግብርናን መሰረት ያደረገ መተዳደሪያን ቀጣይነት በኢትዮጵያ እውን ማደረግ ፕሮግራም በኔዘርላድ መንግስት የገንዘብ ድጋፍ የሚሰራ ሲሆን የባሕር ዳር ዩኒቨርሲቲ እና የወልደያ ዩኒቨርሲቲ ቤነፊት ሪያላይዝ (BENEFIT-REALISE) ፕሮግራም የሦስት ዓመት የስራ እንቅስቃሴዎችን እና በፕሮግራሙ ቀጣይነት ዙሪያ ክልላዊ የምርጥ ቴክኖሎጂ ሽግግር አውደ ጥናት ከየካቲት 6-7/2013 በጎንደር ከተማ አካሄዷል፡፡ የባሕር ዳር ዩኒቨርሲቲ ቤነፊት ሪያላይዝ (BENEFIT-REALISE) ፕሮግራም ባሳለፈው የሦስት ዓመታት የቆይታ ጊዜ ምርጥ ተሞክሮው በዘር፣ በአቅም ግንባታ እና በስርዓት ዝርጋታ ላይ የልማታዊ ሴፍትኔት ፕሮግራም ጋር በመቀናጀት በሀገር አቀፍ ደረጃ የምግብ ዋስትናቸውን ባላረጋገጡ አስር ወረዳዎች ላይ የአርሶ-አደሩን ሕይወት የቀየረ ውጤታማ ስራዎችን ማከናዎኑ ተገልጿል፡፡

አውደጥናቱን በንግግር የከፈቱት ቤነፊት ሪያላይዝ ፕሮግራም በኢትዮጵያ ዋና ማኔጀር የሆኑት ዶ/ር ቴወድሮስ ተፈራ እንዳሉት ፕሮግራሙ ባለፉት ሦስት ዓመታት የምግብ ዋስትናቸውን ያላረጋገጡ በሀገራችን ላሉ የህብረተሰብ ክፍሎች ምርጥ ተሞክሮዎችን በማልማት፣ በማላመድ፣ በማረጋገጥ ረገድ አርሶ-አደሩ ላይ የተሰራው ስራ አርኪና ውጤታማ እንደነበር ተናግረዋል፡፡ ዶ/ር ቴዎድሮስ አክለውም ፕሮግራሙ በሰራው ጠንካራ ስራ በሀገራችን በተለዬ ሁኔታ በአማራ ክልል በርካታ በሴፍትኔት የታቀፉ አረሷደሮች ከተረጅነት በመውጣት ራሳቸውን በመቻል ለሌሎች ሞዴል የሚሆኑ እማውራና አባውራ አርሷደሮች ማየታቸውን ተናግረዋል፡፡ ቤነፊት ሪያላይዝ ፕሮግራም የቆይታ ጊዜው እያበቃ በመሆኑ ፕሮግራሙ የጀመራቸውን የልማት ስራዎች አርሷሩን  በዘላቂነት ከተረጂነት የሚያላቅቅ በመሆኑ  በመስኩ ያሉ አጋር ተቋማትን አቅም በመገንባት  ውጤታማ ስራ እንደሚጠበቅ በአፅኖት ተናግረዋል፡፡

የባሕር ዳር ዩኒቨርሲቲ ቤነፊት ሪያላይዝ (BENEFIT-REALISE) ፕሮጀክት  ማናጀር የሆኑት ዶ/ር አልማዝ ጊዜው በአውደጥናቱ ላይ የፕሮግራሙ የስራ እንቅስቃሴን የሁለት አመት የስራ ክንዉን አቅርበዋል፡፡ ቤነፊት ሪያላይዝ ፕሮግራም የባሕር ዳር ዩኒቨርሲቲ ክላስተር በምዕራብ አማራ በተመረጡና የምግብ ዋስትናቸውን ባላረጋገጡ አስር ወረዳዎች ላይ በስፋት መስራቱን ተናግረዋል፡፡ ከወረዳዎቹ መካከል ሊቦ ከምከምና እና እነብሴ ሳር ምድር ወረዳዎች የምርምር ወረዳዎች መሆናቸውን ጠቅሰው ቀሪዎቹ ስምንት ወረዳዎች እብናት፣ ላይ ጋይንት፣ ታች ጋይንት፣ ስማዳ፣ ሸበል በረንታ፣ ጎንቻ ሲሶ እነሴ፣ ዳባትና ወገራ ወረዳዎች  በማራዶ የፓፓያ ዝርያ አመራረት፣ በምግብ ገብስ አመራረት፣ የተመረጡ የድንች ዘር በማቅረብ፣ የአንድ ጥማድ ፓኬጅ አተገባበር እና የተሳቦ ቀልዝ ብስባሽ አዘገጃጀትና ጥቅሙን በተመለከተ የማስፋፊያ ስራ የተሰራባቸው ወረዳዎች መሆናቸው በስራ ክንዉን ፁሁፉ ተጠቅሷል፡፡ ቤነፊት ሪያላይዝ ፕሮግራም የባሕር ዳር ዩኒቨርሲቲ ክላስተር በሴፍትኔት ፕሮግራም የታቀፉና የምግብ ዋስትናቸውን ያላረጋገጡ አርሷደሮችን በመመልመል የፕሮግራሙ ተጠቃሚ እንደሚሆኑ ገልፀው የፕሮግራሙን የስራ እንቅስቃሴ፣ ዋና ዋና ስኬቶችን፣ የነበሩ ምቹ ሁኔታዎች፣ የተገኙ ልምዶችን እና በሂደቱ ላይ ያጋጠሙ ተግዳሮቶችን አስመልክቶ በስራ ክንዉን ፁሁፋቸው በዝርዝር ቀርቧል፡፡  

በአውደጥናቱ ላይ የቤነፊት ሪያላይዝ ፕሮግራም ተጠቃሚ የሆኑ እና የምግብ ዋስትናቸውን ያረጋገጡ ሞዴል አርሶ አደሮች ተገኝተው ለአውደጥናቱ ተሳታፊዎች ገለፃ አድርገዋል፡፡  

በመጨረሻ በአውደ ጥላቱ ላይ የባሕር ዳር እና የወልደያ ዩኒቨርሲቲዎች ቤነፊት ሪያላይዝ (BENEFIT-REALISE) ፕሮግራም ባዘጋጁት የስራ ግምገማ ላይ በክልሉ የሚገኙ የግብርና ባለሙያዎች፣የክልሉ አደጋ መከላከል እና ምግብ ዋስትና ኮሚሽን እንዲሁም አጋር ፕሮጀክቶች የባሕር ዳር ዩኒቨርሲቲ ከፍተኛ የስራ ሀላፊዎች ተገኝተው ቤነፊት ሪያላይዝ ፕሮግራም የቆይታ ጊዜው እያበቃ በመሆኑ ፕሮግራሙ የጀመራቸውን የልማት ስራዎችን ለማስቀጠል የአጋር ተቋማት ሚና ምን መሆን እንዳለበት ውይይት ተደርጎበታል፡፡    

 

 

2ኛው አገር አቀፍ የአካል ብቃት እንቅስቃሴ ተካሄደ

‹‹የማህበረሰብ ስፖርት ተሳትፎ ለሁለንታዊ ልማት›› በሚል መሪ ቃል በባሕር ዳር ከተማ አስተዳደር ባህል ቱሪዝም መምሪያ አዘጋጅነት 2ኛው አገር አቀፍ የአካል ብቃት እንቅስቃሴ ሲካሄድ ሶስት መቶ የሚሆኑ የባሕር ዳር ዩኒቨርስቲ ታዳጊ ፕሮጀክት ሰልጣኞች  መነሻቸውን  ፓፒርስ  እስከ  ጊዮን  ሆቴል  በእንቅስቃሴ በመታደም ዕለቱን ልዩ ድምቀት ሰጠውታል፡፡

በሁለተኛው አገር አቀፍ የአካል ብቃት እንቅስቃሴ የባህር ዳር ዩኒቨርሲቲን ጨምሮ የአብክመ እና የፌደራል ስፖርት ኮሚሽኖች፣ የባድሚንተን ፌድሬሽን፣ የአካል ብቃት አሰልጣኞች ማህበር፣ ክፍለ ከተሞች፣ የአንደኛና ሁለተኛ ደረጃ ት/ቤቶች፣ የስፖርት ቤተሰቦች፣ የስፖርት ወጣትና ሴት አደረጃጀቶች፣ የጤና ቡድኖች እና የበጎ ፈቃድ ክበቦች ተሳትፈውበታል፡፡

ዩኒቨርሲቲውን በመወከል የሚንቀሳቀሱ ሰልጣኖችን ሲያስተባብሩ ያገኘናቸው በባሕር ዳር ዩኒቨርስቲ ስፖርት አካዳሚ ዲን ዶ/ር ዳኛቸው ንግሩ እንደገለፁልን የመጀመሪያው አገር አቀፍ የአካል ብቃት እንቅስቃሴ አዲስ አበባ መካሄዱን ጠቁመው እንደ ዩኒቨርሲቲም ሶስት መቶ የሚሆኑ የእግር ኳስ፣ አትሌቲክስ፣ እጅ ኳስ ሰልጣኞችን እንዲሁም በዩኒቨርሲቲው ስር የሚገኙ የጤና ቡድኖችን በማስተባበር አሳትፈናል ብለዋል፡፡

ኃላፊው አክለውም ዩኒቨርሲቲው ቀድሞ በጀመረው የአካል ብቃት እንቅስቃሴ ማክሰኞ፣ ሀሙስ፣ ቅዳሜ ለግማሽ ስዓት መምህራን፣ የአስተዳደር ሠራተኞች፣ የፕሮጀክት ሠልጣኞች እና የዩኒቨርሲቲው ጤና ቡድኖች በፔዳ ግቢ ይሳተፉበታል፡፡ አላማውም የማህበረሰቡን ጤና፣ ወዳጅነትና አንድነት ለማጠናከር ነው ብለዋል፡፡

 

እንኳን ደስ አላችሁ!!

ባሕር ዳር ዩኒቨርሲቲ የፕሮፌሰርነት ማዕረግ ዕድት ሰጠ

 

የባሕር ዳር ዩኒቨርሲቲ ቦርድ ባደረገው ስብሰባ ለሁለት  የባሕር ዳር ዩኒቨርሲቲ መምህራን  የሙሉ ፕሮፌሰርነት ማዕረግ እድገት አፅድቋል፡፡

ወደ ሙሉ ፕሮፌሰርነት ያደጉት፡-

 

  1. ዶ/ር ማዕረግ አማረ አብርሃ ከኬሚስትሪ ት/ክፍል፣ ሳይንስ ኮሌጅ
  2. ዶ/ር ተመስገን ገበየሁ ባዬ ከታሪክና ቅርስ አስተዳደር፣ ማህበራዊ ሳይንስ ፋኩልቲ

 

ሲሆኑ፤የባሕር ዳር ዩኒቨርሲቲ ለሁለቱ ምሁራን እንኳን ደስ አላችሁ እያለ ቀሪው ጊዜ ለዩኒቨርሲቲያችሁና ለሀገራችሁ ችግር ፈቺ ጥልቅ ምርምሮችን በማድረግ፤ በማስተማር እና የማህበረሰብ አገልግሎት ላይ በንቃት በመሳተፍ የበለጠ የምታበረክቱበት እንዲሆን ይመኛል፡፡

 

                                                      Congratulations!

Bahir Dar University promotes two staff to full Professor

In its regular board meeting, Bahir Dar University approves the promotion of two of its staff to full Professor. Our two new professors are:

  1. Meareg Amare Abrha- from Chemistry Department, Science College, BDU
  2. Temesegen Gebeyehu Baye- from History and Heritage Department, Faculty of Social Science, BDU

Congratulating Professor Meareg Amare and Professor Temesegen Gebeyehu on their remarkable achievement, Bahir Dar University, wishes you both to have an active and even more productive professional undertakings in your future venture in areas of problem solving researches, teaching and community services.

We are fortunate to have some of the very best across the academia in the country.

Bahir Dar University confers an Adjunct professor to four highly distinguished professors

The university board in its regular meeting held on February 04, 2021 decided to give an Adjunct professor to four senior and notable researchers and teachers who are known to the university in their various professional contributions. The board has mainly considered the wealth of experience these four distinguished scientists have that can be translated to helping students and faculty particularly in the postgraduate programs. The board has also considered the great role four of the professors have been playing in guest teaching postgraduate students, supervising, evaluating theses and dissertations, and examining graduate program students’ research works at different times in the university. The board, taking into account their immense research and teaching experience and their previous track record and the benefit that the university faculty could reap from these esteemed scholars, approved their adjunct professor.

We would like to congratulate four of the Professors!

  1. Aynalem Haile Gebele (PhD). For a detailed CV, please go to: https://bdu.edu.et/sites/default/files/Aynalem%20Haile%20%28Adjunct%20Professor%29.pdf
  2. Dessie Salilew Wondim (PhD). For a detailed CV, please go to:  https://bdu.edu.et/sites/default/files/Dessie%20Salilew%20%20Wondim%20%28Adjunct%20Professor%29.pdf

      3. Eshetie Dejen Dresilign(PhD). For a detailed CV, please go to:  

https://bdu.edu.et/sites/default/files/Eshete%20Dejen%20%28Adjunct%20Professor%29.pdf

4. Workneh Ayalew Kebede (PhD). For a detailed CV, please go to:  https://bdu.edu.et/sites/default/files/Workneh-Ayalew-Kebede%20%28Adjunct%20Professor%29.pdf

 

And we hope your close working with our university will be an asset the whole university faculty will cherish.

                                            Good luck in your future venture!

                               1. Dessie Salilew Wondim (PhD)  

  1. Workneh Ayalew Kebede (PhD)

 

  1. Aynalem Haile Gebele (PhD)  

በሳይንስና ከፍተኛ ትምህርት ሚኒስቴር የከፍተኛ ትምህርት ተቋማት የስራ አመራር ስልጠና ፕሮግራም መድረክ ከባሕር ዳር ዩኒቨርሲቲ ጋር በመተባበር ተጀመረ

በሙሉጎጃም አንዱዓለም

 

በባሕር ዳር ዩኒቨርሲቲ ጥበብ  ሕንፃ የመሰብሰቢያ አዳራሽ የተጀመረው ይህ ስልጠና ከየካቲት 4 እስከ 06/2013 የሚቆይ ሲሆን   የከፍተኛ  ትምህርት  ተቋማት  ሀገሪቱ  የምትፈልገውን  የሰው  ኀይል በብዛትና በጥራት በማፍራት ፖሊሲዎችንና ስትራቴጂዎችን በአግባቡ ተግባራዊ የሚያደርጉ  አመራሮችን ለማውጣት ከታለመው ተከታታይ ስልጠና አንዱ መሆኑን  የሳይንስና  ከፍተኛ  ትምህርት  ሚኒስትር ሳሙኤል ኡርቃቶ (ዶክተር) ጠቁመዋል፡፡

 

ስልጠናውን የባሕር ዳር ዩኒቨርሲቲ ፕሬዚዳንት ዶ/ር ፍሬው ተገኘ ለታዳሚዎች የእንኳን ደህና መጣችሁ መልዕክት በማስተላለፍ የከፈቱት ሲሆን "ባሕር ዳር ዩኒቨርሲቲን በወፍ በረር" በሚል ርዕሰ ጉዳይ ላይ የተዘጋጀውን ዶከመንተሪ መረጃ በማቅረብ ዩኒቨርሲቲው ያከናወናቸውንና ሌሎች በርካታ ተግባራትን እያከናወነ መሆኑን በሰፊው አስተዋውቀዋል፡፡

 

ዩኒቨርሲቲው በፕሮጀክቶች አማካኝነት የበርካታ ማህበረሰብን ችግር እየፈታ እንደሆነና ቴክኖሎጂ ነክ ፈጠራዎችን በስፋት በመስራት የኮሮና ቫይረስ ወረርሽኝን ለመግታት የሐኪሞችን ሙሉ የመከላከያ አልባሳት በማምረት ያላሰለሰ ጥረት ማድረጉን ፕሬዚዳንቱ ገልፀዋል፡፡

በተጨማሪም ባሕር ዳር ዩኒቨርሲቲ በተለያዩ  ግቢዎች  ከመማር  ማስተማር፣  ምርምርና  ማህበረሰብ  አግልግሎት  ተግባሮቹ  በተጨማሪ  ለጀማሪ  ዩኒቨርሲቲዎች  የዕውቀትና  የቴክኖሎጂ  ሽግግር እያደረገ እንደሚገኝም ተናግረዋል፡፡

 

በዩኒቨርሲቲው ምሁራን የተሰራ "PALM City Bahire ደar" የተሰኘ አዲስ የሞባይል መተግበሪያ በታዳሚዎች ፊት በይፋ ስራ ላይ እንዲውል ተደርጎ ለእንግዶች ዘርፈ ብዙ ጥቅሞችን እንደሚሰጥ የፈጠራው ባለቤቶች አስረድተዋል፡፡

 

የሳይንስና ከፍተኛ ትምህርት ሚኒስቴር ሚኒስትር ዶ/ር ሳሙኤል ኡርቃቶ የዩኒቨርሲቲው ፕሬዚዳንት ያቀረቡት ገለፃ ይበል የሚያሰኝና ለሌሎች ተቋማት ጥሩ ተሞክሮ እንደሆነ ጠቁመው የስልጠናው ዋና ዓላማ የሳይንስና  ከፍተኛ  ትምህርት  ሚኒስቴር  በቀጣይ  10  ዓመታት ከተለመደው አሠራር በመውጣት በክህሎትና በእውቀት የዳበሩ አመራሮችን ለማፍራት  ታልሞ መሆኑን ተናግረዋል።

 

ዩኒቨርሲቲዎች ባለፉት ጊዚያት የኮሮና ቫይረስ ወረርሽኝን ለመከላከል የበኩላቸውን አስተዋፅኦ ማበርከታቸውን  አውስተው ይህ ተሞክሮም በቀጣይ በሚሠራው ሥራ ልምድ የሚወሰድበት  መሆኑን  አስገንዝበዋል፡፡ ሚንስትሩ አክለውም ውይይቱ ከተለመደው ወጣ ባለ መልኩ ከወረቀት በዘለለ ውይይት ላይ ያተኮረና በቅንጅት ስራ የዳበረ ብሎም አንዱ ተቋም ከሌላው ጋር ተናቦ የተሻለ ውጤት የሚመዘገብበት እንዲሆን አሳስበዋል፡፡

 

Pages