Latest News

ለ18ኛ ጊዜ የፀረ-ሙስና ቀን ተከበረ

 (ህዳር 26/2015 ዓ.ም፣ባሕር ዳር ዩኒቨርሲቲ-BDU) የባሕር ዳር ዩኒቨርሲቲ የስነ-ምግባርና ፀረ-ሙስና ዳይሬክቶሬት በዓለም አቀፍ ደረጃ ለ19ኛ ጊዜ በአገር አቀፍ ደረጃ ደግሞ ለ18ኛ ጊዜ የተከበረውን የፀረ-ሙስና ቀን በዩኒቨርሲቲው የመሰብሰቢያ አዳራሽ "ሙስናን መታገል በተግባር!" በሚል መሪ ቃል አከበረ፡፡

የባሕር ዳር ዩኒቨርሲቲ አስተዳደር ጉዳዮች ም/ፕሬዘዳንት አቶ ብርሃኑ ገድፍ ሁሉም ማህበረሰብ ሙስናን መፀየፍ እንደሚገባውና ከሙስና የፀዱ እጆች በየእምነታችን እንደሚያስፈልግ በአንክሮ ገልፀዋል፡፡

አቶ ብርሃኑ በማስከተል በሙስና ወንጀል የተሰማራ ሰው ሌሎች ንፁኃንን ሲያሳድድና ከተቋሙ ይልቅ የግሉን ገፅታ ለመገንባት ከፍተኛ ጥረት ስለሚያደርግ በዚያ ግርግር  ለእውነት የቆሙ ሰዎች ሳይሸማቀቁ በተገቢው ሰዓት ተገቢውን መረጃ ለሚመለከተው አካል በማሳወቅ የሙስና ወንጀልን መከላከል እንደሚገባ አስገንዝበዋል፡፡

አቶ ብርሃኑ አክለውም በሙስና ወንጀል የተሰማራ ማንኛውም ሰው በእምነቱም ሆነ በማህበረሰቡ ዘንድ ተቀባይነት ስለሌለው የሚያከናውናቸው ተግባራት ሁሉ ውጤታማ እንደማይሆኑ በግልፅ የታወቀ ስለሆነ በንጽህና ሰርተን ተቋማችንን ማሳደግ እንደሚገባ ገልፀዋል፡፡

የዩኒቨርሲቲው የስነ-ምግባርና ፀረ-ሙስና ዳይሬክቶሬት ዳይሬክተር ኢ/ር አለማየሁ ተፈራ ባቀረቡት የውይይት መነሻ ፅሁፍ "ሙስናን መታገል በተግባር!" መሆኑን የሚያመላክቱ በርካታ ሃሳቦችን ዳሰዋል፡፡

የሙስና ወንጀል ከሌሎች የተለየ የሚያደርገው በረቀቀ ስልት የሚፈፀምና የወንጀሉን ባለቤት ለማወቅ ረጅም ጉዞን የሚጠይቅ ብሎም ተዋናዮች ወንጀሉን እንደ ነውር የማይቆጥሩ በመሆኑ ለማህበረሰቡ ዋነኛ የእሮሮ ምንጭ መሆኑን ከፅሁፉ መረዳት ተችሏል፡፡

በመድረኩ ላይ ተገኝተው የመዝጊያ ንግግር ያደረጉት የቢዝነስና ኢኮኖሚክስ ኮሌጅ ማኔጅግ ዳይሬክተር ኮማንደር ፈንታሁን አየለ በንግግራቸው ሙስና እንዲጎለብት ከሚያደርጉት ነገሮች አንዱና ዋናው የስራ ኃላፊዎች ቁርጠኝነት መላላት ሊሆን ስለሚችል ሁሉም ተረባርቦ ሙስናን መዋጋት እንዳለበት ተናግረዋል፡፡

ኮማንደሩ አክለውም የሙስናን ወንጀል ለመከላከል የፀረ ሙስና ባለሙያ ወንጀሉን ሲያጋልጥ የተቋማት ኃላፊዎች በጥላቻ ዓይን የማየት ልምድ በማስወገድ ንፁህ ህሊና ይዘን ያለምንም እንከን ማንነታችንን ብቻ ለትውልድ ማስተላለፍ ተገቢ መሆኑን አንስተዋል፡፡

``ከዓባይ ጓዳ ጥበብ ሲቀዳ``

``Wisdom at the source of Blue Nile

Thank you for visiting and inviting our Pages!

Thank you for your likes, comments and shares!

ለተጨማሪ መረጃዎች፡-

Facebook፡ https://www.facebook.com/bduethiopia

YouTube፡ https://www.youtube.com/@bduethiopia

Instagram፡www.instagram.com/bduethiopia

TikTok፡ https://www.tiktok.com/@bduethiopia

Telegram፡ https://t.me/bduethiopia

Twitter፡ https://twitter.com/bduethiopia

LinkedIn፡http://www.linkedin.com/school/bduethiopia

Website https://bdu.edu.et/

#BDU60th_ANNIVERSARY

 

Veteran instructors from Amharic Department, BDU_ from camera left to right: Dr. Marew Alemu, Gash Ashenafi Tesfaye, the late Dr.Tesfaye Abera, Dr. Bedilu Wakjira and Dr. Anteneh Aweke taking a moment of memorial photo shoot with their graduating student in the 90s.

5ኛው ዙር የበጎነት ለአብሮነት ብሔራዊ አገልግሎት ሰልጣኞች እንቦጭን በመንቀል ተሳተፉ

(ሕዳር 22/2015ዓ/ም ፣ ባሕር ዳር ዩኒቨርሲቲ)  የ5ኛው ዙር የበጎነት ለአብሮነት ብሔራዊ አገልግሎት ሰልጣኞች በባሕር ዳር ከተማ አፄ ምኒልክ ክፍለ ከተማ ሰባታሚት ቀበሌ የአባይ ወንዝ በሚያዋስናቸው አካባቢዎች የእንቦጭ አረምን በመንቀል በበጎ ፍቃድ አገልግሎት ስራዎች ላይ ተሳተፉ፡፡

ሰልጣኞችን ሲያስተባብሩ ያገኘናቸው ረዳት አሰልጣኝ ኢምራን አብዱሰመድ እንዳሉት በእንቦጭ ማረም ስራው ሁሉም የ5ኛው ዙር የበጎነት ለአብሮነት ብሔራዊ አገልግሎት ሰልጣኞች የተሳተፉ ሲሆን ካሁን በፊትም ከምግባቸው ቀንሰው ለጎዳና ተዳዳሪዎች ምግብን ማጋራታቸዉን ተናግረዋል፡፡

በአፄ ምኒልክ ክፍለ ከተማ ሰባታሚት ቀበሌ አስተዳደር የሰብል፣ አትክልትና ፍራፍሬ ባለሙያ አቶ ገበያው አስቻለው አባይ ወንዝ በሚያዋስናቸው ምዕራብና ምስራቅ አቅጣጫ ለመስኖ ስራ እንዲውል በተሰሩ ቦዮች ሁሉ በእንቦጭ አረም ተወረዉ የሚገኙ ሲሆን ይህን ለመከላከል እንደ ክልል በሚሰራው የተፈጥሮ ሀብት ስራ አርሶ አደሮችን እና የአካባቢውን ህብረተሰብ በማስተባበር እየሰራን እንገኛለን ብለዋል፡፡ ዛሬ ላይ በ5ኛው ዙር የበጎነት ለአብሮነት ብሔራዊ አገልግሎት ስልጠና የወስዱ ወጣቶች በቀበሌያችን ተገኝተው የእንቦጭን አረም ለማስወገድ ያደረጉት አስተዋፅዖ ከፍተኛ ነው ብለዋል፡፡

በበጎ ፈቃድ የተሰማራችው ተማሪ ብርቱካን ወንዴ በበኩሏ ከአሁን በፊት ብዙ የበጎ ስራዎች ላይ መሳተፏን ገልፃ አሁን ላይ በብዙ ቦታዎች ተንሰራፍቶ የሚገኘውን እንቦጭ በመንቀል የዜግነት ግዴታዋን በመወጣቷ ደስተኛ መሆኗን ተናግራለች፡፡

 

Damtew Darza (PhD) who has been president of Arbaminch University for the last 6 years graduated together with his elder brother Digafe Darza (PhD) in 1982 E.C from the former Bahir Dar Teachers College in Pedagogical Sciences program. Dr. Damtew got his PhD in Educational Psychology whereas Dr. Digafe earned PhD in Educational Leadership and Policy Studies. Like his younger brother, Dr. Digafe is serving at Arbaminch University.

የዶ/ር አበባ ብርሐኔን ሕዝበ-ገለፃ ይታደሙ። እንዳያመልጥዎ!

የባሕር ዳር ዩኒቨርሲቲ ፍሬ ስለሆነችውና በስራዎቿ  ዓለም-አቀፍ ታዋቂነትን ስላገኘችው ዶ/ር አበባ BBC News አማርኛ በሰኔ 2014ዓ.ም የሚከተለውን አስነብቦ ነበር።

****

80 ሚሊዮን ምሥሎችን ያሰረዘችው ኢትዮጵያዊቷ ኮግኒቲቭ ሳይንቲስት ዶ/ር አበባ ብርሃኔ

 

የክፍሏ ጎበዝ ተማሪ ነበረች።

 

ሰኔ ላይ ሰርተፍኬት ለመቀበል ቀድመው ከሚሰለፉ መካከል ናት።

 

ዛሬ በዓለም ገናና ስም ካላቸው ኮምፒውተር ሳይንቲስቶች አንዷ የሆነችው አበባ ብርሃኔ (ዶ/ር)፣ ያኔ ሰርተፍኬት የምትወስደው አባቷ እሽኮኮ ብለዋት ነበር።

 

ውጤቷ ሁሌም ያኮራቸዋል። በየትምህርት ዘመኑ መጨረሻ እሽኮኮ ብለዋት አብረዋት ሰርተፍኬት ይቀበላሉ። ከዚያ ደስታ ከረሜላ ይገዛላታል።

". . . ደስታ ከረሜላ ገዝቶልኝ ጠጅ ቤት ይወስደኝ ነበር። ከዚያ ለጓደኞቹ በኩራት ያሳየኛል። ይህ ደስ የሚለኝ ትውስታዬ ነው። ዛሬ የደረስኩበት ለመድረሴ አባቴ ትልቅ ሚና አለው። ፀጉሬን ሁሉ የሚሠራኝ እሱ ነበር. . ."

 

አባቷ ከዚህ ዓለም በሞት የተለዩት ዘጠኝ ዓመቷ ላይ ነው። በሕይወት ሳሉ ለትምህርት ፍቅር እንድታሳድር አበረታተዋታል።

 

ነዋሪነቷን በአየርላንድ፣ ደብሊን ያደረገችው አበባ፣ በቅርቡ መነጋገሪያ ያደረጋት የማሳቹሴትስ ኢንስቲቲዩት ኦፍ ቴክኖሎጂ (ኤምአይቲ) 80 ሚሊዮን ምሥሎችን እንዲያጠፋ ያደረገውና የዓለም አቀፍ መገናኛ ብዙኃንን ዘገባ የተቆጣጠረው ጥናቷ ነው።

 

ለቤተሰቧ ብቸኛ ሴት ልጅ ናት።

 

እናቷ "ሴት ልጅ ወደ ማጀት" ይሏት ነበር። የሴትን መማር እምብዛም በማይደግፍ ቤተሰብ ውስጥ ማደግ ለትምህርት ትኩረት መስጠትን ከባድ ቢያደርገውም ትምህርት ትወድ እንደነበር ትናገራለች።

 

እዚህ ጋር መምህሮቿን ሳታመሰግን አታልፍም።

በተለይ የዘጠነኛ ክፍል ፊዚክስ አስተማሪዋን።

ለሳምንታት ትምህርት ለማቋረጥ ስትገደድ ወደ ትምህርት ቤት የመለሷት እሳቸው ናቸው። ከዚያ በኋላም በተደጋጋሚ ትምህርት አቋርጣ ተመልሳለች።

 

መንገዱ ቀላል ባይሆንም ለትምህርት ያላት ፍቅር እንዳበረታት ትናገራለች።

 

ባሕር ዳር ዩኒቨርስቲ ስትገባ ፊዚክስ አጠናች። ስትመረቅ አየርላንድ ነጻ የትምህርት ዕድል አገኘች።

ዓለም አሉኝ ከምትላቸው የኢትዮጵያ የዘር ሐረግ ያላቸው ኮምፒውተር ሳይንቲስቶች መካከል አንዷ ናት። ትምኒት ገብሩ፣ ረድኤት አበበ እና አበባ ብርሃኔ።

 

አበባ የኮግኒቲቭ ሳይንስ ምሁር ናት። የቋንቋ፣ የሥነ ልቦና፣ የፍልስፍና፣ የኮምፒውተር ሳይንስ፣ የአንትሮፖሎጂ (ሥነ ሰብ) እና የአርቴፍሻል ኢንተለጀንስ (ሰው ሠራሽ ልኅቀት) ጥምር ጥናት ነው።

 

የክፍሏ ጎበዝ ተማሪ ሳለች ጠጅ ቤት እሽኮኮ ተብላ የምትወሰደው ዶ/ር አበባ ዛሬም የትምህርት ሰው ናት።

 

". . . ብዙ ሕይወቴን በትምህርት ውስጥ ነኝ። አሁን የምሠራው በጣም የምወደውን ነገር ነው። ፍትሕ ማስፈን፣ ጥሩ መስሎ ከውስጡ ግን ችግር ያለውን ነገር ማጋለጥ ነው በፍቅር እንድሠራ የሚገፋኝ. . ."

 

በኮግኒቲቭ ሳይንስ እና አርቴፍሻል ኢንተለጀንስ [ኤአይ] አማካይ ላይ ታተኩራለች። ሥራዋ አእምሮን፣ አካባቢን፣ ማኅበረሰብን፣ ባህልን፣ ታሪክን መረዳት፣ ከዚያም ፈትሾ መተቸትን ያካትታል።

 

ከኤአይ ቅጥያዎች አንዱ ማሽን ለርኒንግ ሲሆን፣ ሰው ሠራሽ ማሽን መረጃ (ዳታ) ተመግቦ በተሻለ ቅልጥፍናና ትክክለኛነት ክንውን እንዲፈጽም የሚያስችል ዘመነኛ ቴክኖሎጂ ነው።

 

አበባ ለማሽን የሚቀርበውን መረጃ ትመረምራለች። ከሥነ ምግባር አንጻርም ትተቻለች። የዶክትሬት መመረቂያ ጽሑፏን እንደ ማሳያ እንውሰድ።

ትክክለኛ ነው ብለን መገመት የለብንም።"

ነገሩን ወደ ኢትዮጵያ አውድ እንውሰደው።

 

ሰልፊ መለጠፍ እናቁም?

 

አበባ በኢትዮጵያ በዋነኛነት የሚያሰጋት የግል መረጃ አጠባበቅ ግንዛቤ አለመኖሩ ነው።

". . . ምሳሌ ልስጥሽ፣ የማትሪክ ውጤት ሲወጣ ሰው ውጤቱን፣ መታወቂያ ቁጥሩንና ሌላም የግል መረጃውን በዘፈቀደ በበይነ መረብ እየለጠፈ ነበር። ይህ የግል መረጃ ሲለቀቅ ግዙፍ የቴክኖሎጂ ተቋሞች ሀርቨስት (ይሰበስቡታል) ያደርጉታል። ከዚያም ሰዎችን ለማግለልና ለመጉዳት ይውላል። በበይነ መረብ የምንለቀው መረጃ አንዴ ከተለቀቀ በኋላ እንደማይጠፋና እየተንሳፈፈ እንደሚቆይ ማወቅ አለብን. . ."

ሌላው ጥንቃቄ ልንወስድበት የሚገባው ነገር የራስን ምሥል (ሰልፊ) በዘፈቀደ መለጠፍ ነው።

ብዙ ኢትዮጵያዊ ምን ችግር አለው? ብሎ ሰልፊ እንዳሻው ይለጥፋል። ሆኖም ምሥሉ ወደ መረጃ ቋት (ዳታቤዝ) እንደሚገባ፣ ከዚያም ማሽን ለማሠልጠን እንደሚውል መታወቅ አለበት።

አሁን ላይ ለታክሲ፣ ለባንክ ወይም ምግብ ለማዘዝም መተግበሪያ እየተጠቀምን እንገኛለን።

የግል መረጃችንን በስፋት በበይነ መረብ ስንለቅ ይህ መረጃ ይከማችና ኋላ ላይ አገልግሎት ስናገኝ የመድልዎ ሰለባ እንድንሆን ይጋብዛል።

"ወደድንም ጠላንም የሰዎችን ታሪክ፣ የገንዘብ ልውውጥ፣ ብሔር እና ሌላም የግል መረጃ በመጠቀም ብድር እንስጣቸው ወይስ አንስጣቸው? የሚለው እየተወሰነ ያለበት ዓለም ነው። ኢትዮጵያውያንም ወደዚያው መንገድ እየሄድን ነው።"

 

ብዙ ጥቁር ሴቶች በሙያው አይታዩም።

". . . ወደ 1950ዎቹ ስንሄድ ከኮምፒውተር በፊት የሒሳብ ስሌት የሚሠሩት ጥቁር ሴቶች ናቸው። ሙያው በጣም እያደገ ሲመጣ ግን ነጭ ወንዶች ወደ ላይ ወጡ። ከዚያ ለጥቁር ሴቶች ለመግባት ፈታኝ አደረጉት። ደስ የሚለው ግን አሁን ባለንበት ዘመን በጣም ትልቅ አስተዋጽኦ እያደረጉ ያሉት የሐበሻ ሴቶች መሆናቸው ነው።"

 

አበባ ይህንን የምትለው ያለ ምክንያት አይደለም። በሙያዋ ከምትኮራባቸው ቅጽበቶች አንዱ እሷ ትምኒት ገብሩ እና ረድኤት አበበ የተገናኙበትን መድረክ ነው።

 

አምና ኒውፒርስ በተባለ የውይይት መድረክ ላይ ሦስቱም ንግግር እንዲያደርጉ ተጋብዘዋል።

"ጥሩ የትብብር መስመር ዘርግተናል። እንረዳዳለን፣ አብረን እንሠራለን። አለበለዚያማ ዘርፉ ለጥቁር ሴት ፈታኝ ነው። ፒኤችዲ ለመሥራት ከነጭ ወንድ በላይ ያንቺ ፈተና ይበዛል። ይህን ሁሉ አልፈን እዚህ መድረሳችን ያኮራል።"

ዓለም አሉኝ ከምትላቸው ባለሙያዎች አንዷ የሆነችው ዶ/ር አበባ

አምና በኤአይ እጅግ ተጽዕኖ ፈጣሪ ከሆኑ አንዷ ተብላ ተመርጣለች።

 

በኮምፒውተር ቪዥን ፈጠራ ቬንቸር የተባለው ሽልማት ተሰጥቷታል።

በሆል ኦፍ ፌም፣ በ100 ብሩህ የኤአይ ባለሙያ ሴቶች ዝርዝር ውስጥ ገብታለች።

በኤአይ ዘርፍ በአፍሪካ ተጽዕኖ ፈጣሪ ከሆኑ 80 ባለሙያዎች አንዷ ናት።

ከሽልማቶቿ ዋና ዋናውን ጠቀስን እንጂ ያገኘቻቸው ዕውቅናዎች እነዚህ ብቻ አይደሉም።

ለእሷ ግን ትልቅ ዋጋ ያለው ቅጽበት የፒኤችዲ መመረቂያ ጽሑፏን አቅርባ ያጠናቀቀችበት ነው።

". . . ገና ትልልቅ ሕልሞች አሉኝ። ግን ፒኤችዲዬን ዲፌንድ አድርጌ ከቫይቫ ስወጣ የነበረውን ቅጽበት አልረሳውም። ከ5 ዓመታት ሥራ በኋላ የደረስኩበት ስለሆነ ትልቁ ከፍታዬ ነው።"

ጽሑፏን አቅርባ ስትወጣ የተነሳው ፎቶ ትዊተር ላይ ከተለቀቀ በኋላ የእንኳን ደስ አለሽ መልዕክት ጎርፎላታል።

 

Manu, [27/11/2022 01:14]

የሙያ አጋሮቿ ትምኒት እና ረድኤት ያሉበት ብላክ ኢን ኤአይ ተቋም፣ ጥቁር ሴቶች በዘርፉ እንዲተሳሰሩ፣ እንዲተባበሩ መንገድ ከፍቷል።

ከጥናቶቻቸው አንዱ በአፍሪካውያን የኤአይ ባለሙያዎች የሚሠሩ ምርምሮች እንዴት ተደራሽ ይሁኑ? የሚለው ነው።

 

ስለ ሕብረተሰብ ጤና እና ስለ መድኃኒት የሚሠሩ የአፍሪካውያን ጥናቶች ሳይታተሙ ይቀራሉ። ሲታተሙም ዓለም አቀፉ ማኅበረሰብ ዕውቅና አይሰጣቸውም።

 

አበባ ቀጣይ ዕቅዷ በአዲስ አበባ ዩኒቨርስቲ እየተቋቋመ ያለውን የኮግኒቲቭ ሳይንስ ክፍል

 መደገፍ እንደሆነ ትናገራለች። አንድ ሁለቴም በዩኒቨርስቲው ግብዣ ሌክቸር ሰጥታለች።

". . . አሁን ጥናቴ በሌሎች አገሮች ተሞክሮ ላይ የተመረኮዘ ቢሆንም፣ ዞሬ ዞሬ ግቤ ወደ ማኅበረሰቤ ተመልሼ ለእኛ መሠረታዊ የሆኑ ነገሮችን መፈተሽና አስተዋጽኦ ማበርከት ነው. . ."

ሰልጣኞች ለችግረኛ ህፃናት እና አቅመ ደካሞች የማዕድ ማጋራት ፕሮግራም አካሄዱ

*********************************************************************

(ባሕር ዳር ዩኒቨርሲቲ፣ ህዳር 14/3/2015 ዓ.ም) የባሕር ዳር ዩኒቨርሲቲ ከሰላም ሚኒስትር ጋር በመተባበር "በጎነት ለአብሮነት" በሚል መሪ ቃል ከሁሉም ክልሎች ተውጣጥተው በብሔራዊ በጎ ፈቃድ አገልግሎት ዙሪያ ስልጠና እየወሰዱ ያሉ ከ1,200 በላይ የዩኒቨርሲቲ ምሩቃን ወጣቶች የቁርስ ወጭአቸውን በባሕር ዳር ከተማ በተለያዩ አካባቢዎች በጎዳና ላይ ለሚገኙ ሕፃናት እና አቅመ ደካሞች እንዲውል በማድረግ የምገባ ፕሮግራም እና የአቅመ ደካሞችን ልብስ በማጠብ ከበጎ ፈቃድ አገልግሎት ስልጠናቸው ጎን ለጎን ህብረተሰቡን የሚጠቅም በጎ ተግባር እየሰሩ መሆኑ ተገለፀ፡፡   

የአምስተኛ ዙር የብሔራዊ በጎ ፈቃድ አግልግሎት የባሕር ዳር ዩኒቨርሲቲ አስተባባሪ የሆኑት አቶ ዘውዴ ኤጄርሳ እንደገለጹት ለአምስተኛ ዙር በባሕር ዳር ዩኒቨርሲቲ እየሰለጠኑ ያሉ 1,200 በላይ ወጣቶች ሀገራቸውን እና ሕዝባቸውን የሚወዱ የዩኒቨርሲቲ ሙሩቃን መሆናቸውን ተከትሎ በጎነትን በማህብረሰቡ ውስጥ ገብቶ የማስተማር  ተግባር  ለመፈፀም ስልጠና እየወሰዱ መሆኑን ጠቅሰዋል፡፡ ከሚወስዱት ስልጠና ጎን ለጎን የቁርስ ወጫቸውን ጎዳና ላይ የወደቁ እና በልቶ ማደር ላልቻሉ ወገኖች የምገባ ፕሮግራም ከማድረጋቸው በተጨማሪ የአረጋዊያንን ልብስ በማጠብ፣ ደም የመለገስ እና የልብስ ማሰባሰብ በጎ ስራዎችን በህብረተሰቡ ውስጥ በመግባት እየሰሩ መሆኑን አቶ ዘውዴ  ተናግረዋል፡፡  

ስልጠናው የሚመራው በሰላም ሚኒስቴር የበጎ ፈቃድ አገልግሎት ከባሕር ዳር ዩኒቨርሲቲ ጋር በመተባበር እየተሰጠ መሆኑን የተናገሩት አስተባባሪው የስልጠናው ዋና ዓላማ በሁሉም የሀገራችን ክፍሎች ባሉ ዩኒቨርሲቲዎች በተለያዩ የሙያ መስኮች ተመርቀው ያለስራ የተቀመጡ ወጣቶች የበጎ ፈቃድ ስራን ለመስራት መስፈርት ወጥቶላቸው ምዝገባ አካሂደው ስልጠናውን በአምስት ዩኒቨርሲቲዎች እየወሰዱ መሆኑን አስተባባሪው ተናግረዋል፡፡ አክለውም በተለያየ ጊዜ በሀገራችን ከውስጥም ሆነ ከውጭ የህብረተሰባችን ሰላም ለማደናቀፍ ጎጥን፣ ብሔር እና ቋንቋን መሰረት አድጎ የሚከሰቱ ግጭቶችን በማክሸፍ እና ህብረተሰቡን የአንድነት ትስስር በማጠናከር ላይ ያተኮረ ዓላማ ያለው ስልጠና መሆኑን ተናግረዋል፡፡

በመጨረሻም ከስልጠናው በኋላ ሰልጣኖች ከመጡበት አካባቢ ውጭ በሌሎች አካባቢዎች ለአስር ወር እንደሚመደቡ እና በተመረቁበት የሙያ መስክ ከሚሰጡት አገልግሎት በተጨማሪ በስልጠናው ወቅት ያገኙት እውቀት ተጠቅመው የህብረተባችን የቀደመ የሰላም፣ አብሮነት እና የመተሳሰብ እሴትን ለመገንባት የበጎ ፈቃድ ብሔራዊ አገልግሎችን በስፋት እንደሚሰጡ ተገልጿል፡፡   

ባሕር ዳር ዩኒቨርሲቲ

-------------------------------------

``ከዓባይ ጓዳ ጥበብ ሲቀዳ``

``Wisdom at the source of Blue Nile``

Thank you for visiting, inviting and sharing our Pages!

Thank you for your likes and comments too!

ለተጨማሪ መረጃዎች፡-

Facebook https://www.facebook.com/bduethiopia

YouTube https://www.youtube.com/@bduethiopia

Instagram www.instagram.com/bduethiopia

TikTok https://www.tiktok.com/@bduethiopia

Telegram https://t.me/bduethiopia

Twitter https://twitter.com/bduethiopia

LinkedIn http://www.linkedin.com/school/bduethiopia

Website https://bdu.edu.et/

 

 

ለ20 ቀናት ሲሰጥ የቆየው የግንባታ መረጃ ሞዴሊንግ ስልጠና ተጠናቀቀ

**********************************************************

[ህዳር 13/2015 ዓ.ም፣ ባሕር ዳር ዩኒቨርሲቲ-ባዳዩ] በባሕር ዳር ዩኒቨርሲቲ መሬት አስተዳደር ኢንስቲትዩት Building Information Model (BIM) ቴክኖሎጂን በኮንስትራክሽን ኢንዱስትሪው ማካተትን አልሞ ለመሬት አስተዳደር ኢንስቲትዩት አርክቴክቸር ትምህርት ክፍል መምህራን፣ ለአማራ ዲዛይን ቢሮ ባለሙያዎች፣ ለፖሊ ቴክኒክ ኮሌጅ እና ባሕር ዳር ቴክኖሎጂ ኢንስቲትዩት መምህራን ለ20 ቀናት ሲሰጥ የቆየው ስልጠና ተጠናቀቀ፡፡

በመሬት አስተዳደር ኢንስቲትዩት አርክቴክቸር ትምህርት ክፍል ኃላፊ አቶ ታደለ ይኸይስ ስልጠናውን አስመልክተው እንደገለጹት ስልጠናው የተጀመረው ባለፈው አመት በመሬት አስተዳደር ኢንስቲትዩት እና በኮንስትራክሽን ማኔጅመንት ኢንስቲትዩት መካከል በጋራ ለመስራት በተስማሙት መሰረት መሆኑን ገልፀውልናል፡፡

አቶ ታደለ የስልጠናው ዋና አላማ የBIM ቴክኖሎጂን እያንዳንዱ ባለሙያ በመማር ማስተማሩ ሂደት እንዲያካትተው፣ የዩኒቨርስቲው መምህራን ቀሪ የኮንስትራክሽን ባለሙያዎችን የሚያሰለጥኑበት ማዕከላት እንዲቋቋሙ ማመቻቸት እና ከመማር ማስተማር ባሻገር የግል ቢሮ ያላቸው መምህራን በስራቸው አጋጣሚ ሁሉ የBIM ቴክኖሎጂን ተግባራዊ እንዲያደርጉ እንዲያግዝ ነው ብለዋል፡፡

ስልጠናውን የሰጡት በኮንስትራክሽን ማኔጅመንት ኢንስቲትዩት ባለሙያ አቶ ፈለቀ አሰፋ ስለስልጠናው ሲናገሩ የግንባታ መረጃ ሞዴሊንግ ወይም Building Information Model (BIM) ቴክኖሎጂን የኮንስትራክሽን ኢንዱስትሪውን ከእቅድ እስከ ማፍረስ ያለውን የግንባታ ስርዓት አቀናጅቶ መስራት የሚችል ሲሆን ይህ ቴክኖሎጂ እንደ አገር በ2017 ዓ.ም አስገዳጅ ተደርጎ ይወሰዳል፡፡ ስለዚህ ዩኒቨርሲቲዎች በካሪኩለም ያካትታሉ፣ የስልጠና ማዕከላት በማቋቋም የስልጠና ፍላጎት እንዲያሟሉ ይጠበቃል ብለዋል፡፡

አቶ ፈለቀ ስልጠናው ዲዛይን እና ግንባታው ላይ የሚሳተፉ ባለሙያዎች ፕሮጀክቶቻቸውን በBIM ቴክኖሎጂ እንዲያስገቡ እድል ይፈጥራል፡፡ ይህ ማለት ቴክኖሎጂውን ስንተገብር ኢንዱስቲሪው ላይ የሚፈጠረውን የጥራት፣ ያልተፈለገ ወጪ፣ የጊዜ ብክነት እና አለመናበብ  ችግሮችን ሁሉ መቅረፍ እንችላለን ሲሉ ተናግረዋል፡፡

 

ባሕር ዳር ዩኒቨርሲቲ

-------------------------------------

``ከዓባይ ጓዳ ጥበብ ሲቀዳ``

``Wisdom at the source of Blue Nile``

Thank you for visiting, inviting and sharing our Pages!

Thank you for your likes and comments too!

ለተጨማሪ መረጃዎች፡-

Facebook https://www.facebook.com/bduethiopia

YouTube https://www.youtube.com/@bduethiopia

Instagram www.instagram.com/bduethiopia

TikTok https://www.tiktok.com/@bduethiopia

Telegram https://t.me/bduethiopia

Twitter https://twitter.com/bduethiopia

LinkedIn http://www.linkedin.com/school/bduethiopia

Website https://bdu.edu.et/

 

የባሕር ዳር ዩኒቨርሲቲ ሕክምናና ጤና ሳይንስ ኮሌጅ በጤናው ዘርፍ ያሰለጠናቸውን ተማሪዎች አስመረቀ
**************************************************************************
[ህዳር 10/2015 ዓ.ም፣ ባሕር ዳር ዩኒቨርሲቲ-ባዳዩ] የባሕር ዳር ዩኒቨርሲቲ የሕክምናና ጤና ሳይንስ ኮሌጅ በጤናው ዘርፍ በሰባት ትምህርት ክፍሎች ለ9ኛ ዙር ያሰለጠናቸውን 57 የስፔሻሊቲ ሐኪሞች 13 የማስትርስ ድግሪ እና 182 በመጀመሪያ ድግሪ በድምሩ 252 ተማሪዎችን የኢ.ፌ.ዲ.ሪ የጤና ሚኒስቴር ሚንስትር ዴኤታ በተገኙበት በጥበብ ህንፃ የመስብሰቢያ አዳራሽ በድምቀት አስመርቋል፡፡
በምረቃ ስነስርዓቱ ላይ ተገኝተው የእንኳን ደህና መጣችሁ ንግግር ያደረጉት የባሕር ዳር ዩኒቨርሲቲ የምርምር እና ማህበረሰብ አገልግሎት ም/ፕሬዚዳንት ዶ/ር ተስፋዬ ሽፈራው ተመራቂ ተማሪዎች ባለፉት ዓመታት ሀገራችንና መላው ዓለም ያሳለፈውን ከባድ የፈተና ግዜ አልፋችሁ፣ የእናንተ እና የወላጆቻችሁ ከፍተኛ የትግስት ውጤት ለሆነው የምረቃ ቀናችሁ እንኳን አደረሳችሁ ብለዋል፡፡ ዩኒቨርሲቲው ከ2002 ዓ.ም ጀምሮ የምርምር ዩኒቨርሲቲ የመሆን ራዕዩን በማስቀመጥ ለምርምር እና ማሕበረሰብ አገልግሎት ዘርፉ ትኩረት ሰጥቶ እሰራ መሆኑን ተናግረዋል፡፡ ዶ/ር ተስፋዬ አክለውም ዩኒቨርሲቲው የምርምር ዩኒቨርሲቲ የመሆን ራዕዩ እንዲሳካ በትምህርት ጥራት ማሳደግ፣ በምርምር፣ በማህበረሰብ አገልግሎት እና በቴክኖሎጂ ሽግግር ስራዎች ውስጥ በመሳተፍ የኩራት አምባሳደር እንድትሆኑ ሲሉ ለተመራቂዎች መልዕክት አስተላልፈዋል፡፡
በተማሪዎች ምረቃ ላይ የዕለቱ የክብር እንግዳ የኢ.ፌ.ዲ.ሪ የጤና ሚኒስቴር ሚንስትር ዴኤታ ዶ/ር አየለ ተሾመ በንግግራቸው ለተመራቂዎች በዛሬው እለት የህክም ትምህርታችሁን የጨረሳችሁበት ሳይሆን ይልቁንም የህክምና ትምህርታችሁን መሰረታዊ ክህሎቶችን ይዛችሁ የህዝባችሁን ጤና ለመጠበቅ ታላቅ ሃላፊነትን በመቀበል የሂዎት ዘመን የህክምና ትምህርት ቤት የምትቀላቀሉበት እና ሌላውን የህይወት ምዕራፍ የምትጀምሩበት ነው ሲሉ ተናግረዋል፡፡ ዛሬ የምትቀላቀሉት ሙያ የህይወት ዘመን ትምህርት እና ፍላጎትን የሚጠይቅ እንዲሁም የአውንታዊ ማህበረሰብ ግንኙነት የሚሻ በመሆኑ በቀጣዩ የአገልግሎት ጊዜያችሁ ከተለያዩ የሙያው አጋሮች ጋር በመሆን የማህበረሰቡን ጤና ለመጠበቅ እና ለማጎልበት ተግታችሁ እንድትሰሩ ሲሉ ለተመራቂ ተማሪዎች የአደራ መልዕክታቸውን አስተላልፈዋል፡፡
የኢ.ፌ.ዲ.ሪ የጤና ሚኒስቴር ሚንስትር ዴኤታ ዶ/ር አየለ ተሾመ አክለውም የባሕርዳር ዩኒቨርሲቲ በጤናው ዘርፍ ብቻ ሳይሆን በሁሉም ዘርፍ በሰውሃይል ልማቱ ላይ እያበረከተ ያለውን ጉልህ አስተዋፆ እና በተለይም ለትምህርት ጥራት ለአካባቢ ልማት ምቹ አረንጓዴ ከባቢን የመፍጠር ጥረት አድንቀው በቀጣይ ዘመኑን የዋጄ ቴክኖሎጂዎችን ጭምር በመጠቀም የመማር ማስተማር ስራውን በማዘመን ለትምህርት ጥራት የሰጣችሁትን ትኩረት አጠናክራችሁ እንድትቀጥሉ ሲሉ ተናግረዋል፡፡
በመጨረሻም የላቀ ውጤት ላስመዘገቡ ተመራቂ ተማሪዎች የሜዳሊያ እና የእውቅና የምስክር ወረቀት መርሃ ግብር ተካሂዷል፡፡ በምረቃ ፕሮግራሙ ላይ የሙሉዓለም የባህል ቡድን ባህላዊ እና ዘመናዊ ሙዚቃዎችን በማቅረብ የፕሮግራሙ ታዳሚዎችን አዝናንቷል፡፡
ባሕር ዳር ዩኒቨርሲቲ
-------------------------------------
``ከዓባይ ጓዳ ጥበብ ሲቀዳ``
``Wisdom at the source of Blue Nile``
Thank you for visiting, inviting and sharing our Pages!
Thank you for your likes and comments too!
ለተጨማሪ መረጃዎች፡-

The 7th annual national seminar is underway

Institute of disaster risk management and food security studies, BDU, is holding its 7th annual national educational conference. In the seminar, about 14 research papers are presented. Director of the Institute Dr. Mintesnot Azene, Ayatam Fentahun, National Project Manager for EU- Strengthening Decentralization of DRM in Ethiopia Project, BDU members of top management, researchers from Bahir Dar and other Universities and teachers among others are participating in the seminar.

The Faculty of Humanities holds the first seminar of the new academic year 

It has become an academic routine for the Faculty of Humanities BDU to hold academic seminars since some more than a decade now. Many seminars with diversified topics from all the fields of studies in the faculty have been held. Today's paper was presented by Tewodros Yideg from the Department of Theatrical Arts on the title: “ሴትነት፣እምቢተኝነትና ነፃነት፡- የቃቄ ውርድዎት ትውፊታዊ ተውኔት ሂሳዊ ግምገማ” and moderated by Dr. Sintaheyu Degu, Faculty’s V/Dean for postgraduate, research and community services.

The faculty has schedule Friday afternoons for seminars; subsequently, classes are not conducted for this purpose. This undertaking, in addition to becoming a platform for academic discussions, it has been benefiting graduate program students to exercise academic presentations of their theses and dissertations. Similar academic discourses are very important in our university as we strive towards becoming one of the premium research universities in Africa. Based on questions and comments from the audience, reflections were made.

 

In the seminar, the dean, vice deans, teachers, graduate and under graduate students participated.

Pages